lundi 27 décembre 2010

Шинэ оны мэнд !

Өглөө бүр үгийн сайхныг хэлэлцэж
Өдөр бүр хүний сайнтай учирч
Зүрх сэтгэлд тань баяр гийж
Зүүд үргэлжлэх цагаар нас нэмж
Зөрж өнгөрөх хоёр оны заагаар
Зүйрлэшгүй тансаг жаргалыг хүртээрэй
Шинэ жилийн дарс шиг оргилуун
Шинэхэн орсон цас шиг хөнгөн
Зулзган гацуурын үнэр шиг анхилуун
Шинэ оны мэнд хүргэж аз жаргал хүсэн ерөөе ...

Дэлгэрэнгүй...

Хүсэл мөрөөдлөө шинэ жилдээ шивнээрэй

Хүн бүрт ямар нэгэн хүсэл мөрөөдөл байдаг билээ. Өдөр бүр л бид ямар нэгэн юманд найдаж байдаг агаад өчнөөн хүсэл толгойд эргэлдэн өнгөрдөг. Харин хүсэл мөрөөдлөө шивнэвэл биелэх ганц л мөч жилд байдаг гэдэгт дотроо итгэдэг. Үгүй байсан бол юунд ингэж их цаг, мөнгө зарцуулан шинэ жилийн шөнийг угтахаар бэлддэг байх вэ? Хэрэв танд он солигдох мөчид шивнэн дээд тэнгэр рүү илгээх мөрөөдөл байгаа бол мөрөөдөл илгээх дүрмийг мэдэж авах хэрэгтэй. Мөрөөдлөө зөв хэлбэржүүлэхгүй бол биелэхгүй, эсвэл биелсэнд нь та баярлахгүй, харин ч харамсаж магадгүй юм болно. Тиймээс дараахь хэдэн дүрмийн дагуу “ажиллаарай”.

1. Хэзээ ч өөр хүнд муу юм бүү хүс. Таны хүсэл зөвхөн сайхан энерги агуулж байх ёстой. Санаандгүйгээр ч, хүнд муу юм болох байдлаар хүслээ илэрхийлэхээс болгоомжлоорой. “Доржийг халаад оронд нь намайг тавиасай” гэж хүсэхийнхээ оронд “Би хэлтсийн дарга болохыг хүсч байна” гэх хэрэгтэй. Биднээс гарч байгаа юм бүхэн бидэн рүү буцаж ирдэг гэдгийг санах хэрэгтэй.

2. Хүсэл бодлоо бодохдоо хэзээ ч “үгүй” гэсэн утгаар илэрхийлж болохгүй. “Энэ жил дахиж тэнэгтэхгүй” гэхийн оронд “Энэ жил би их ухаалаг ажиллана”, “Энэ жил арчаагүй, мөнгөгүй байхгүй” гэхийн оронд “ Энэ жил мөнгөтэй, арчаатай явна” гэх мэтээр. Мөн муу үгийг оруулахгүй байх хэрэгтэй. “Би өвчнөөсөө сална” гэхийн оронд “Би цоо эрүүл болно” гэх мэтээр. Хүсээгүй юмаа огт хэлэхгүй, эсрэг утгын сайн үгийг хэрэглэх ёстой. Дээд тэнгэр найруулгын дүрмийг мэдэхгүй, зөвхөн үндсэн үгнүүдийг л ойлгоно гэж бод.

3. Таны хүсэл тань биелэх боломжтой хүсэл байх ёстой. Хэрэв та 160 см өндөртэй байж топ – модель, эсвэл мэргэжлийн сагсчин болно гэж хүсвэл утгагүй.4. Хүсэл тань зөвхөн тантай л холбоотой байх ёстой. Бусад хүний тухай байх ёсгүй, яагаад гэвэл бусдын хувь заяаг бидний хүслээр өөрчилдөггүй юм. “Дорж надад дурлаг” гэхийн оронд “Би жинхэнэ хайртайгаа учирна” гэж бодох ёстой. “Эрдэнээ дарга намайг орлогчоороо тавиг” гэхийн оронд “ Би орлогч дарга болно” гэх учиртай. Ер нь хүслийн биелэл ирэх тодорхой цэгийг бодох заах шаардлага байхгүй, биелэл таны огт бодоогүй газраас ч ирдэг юм.

5. Хүслээ бодож бичих үед тань бүх юм төгс сайхан байх ёстой. Нүүрээ ч угаахгүй халадтайгаа суугаад, хагархай үзгээр цаасны оронцог дээр бичиж хэрхэвч болохгүй. Сайхан хувцастай, нүүр, үсээ янзалчихаад, аятайхан үзгээр сайн цаасан дээр хүслээ бичих хэрэгтэй. Хүсэл мөрөөдөлдөө зохих хүндэтгэлийг үзүүлэхгүй бол яаж биелэх вэ дээ?

6. Хүсэл тань биелсний дараа гарах үр дүнг сайтар эргэцүүлж бодоорой. Энэ танд үнэхээр хэрэгтэй юу? Үүнээс ямар үр дагавар гарч болзошгүй вэ? Тэр үр дагаваруудаас бас юу гарч болзошгүй вэ? Бүхнийг ургуулан бодож ирээдүйгээ тооцож байж хүсэх хэрэгтэй.

7. За ингээд хүслээ яг зөв гэдэгт итгэлтэй байгаа бол биелнэ гэдэгт 100% итгэлтэйгээр шивнэн бичээрэй. Ямар ч эргэлзээ байх ёсгүй шүү. Биелчихсэн байгаа мэтээр төсөөлөн бод.

8. Юу хүссэн тухайгаа хэнд ч бүү хэл. Биелсний дараа л хэл. Сайн найз чинь ч санамсаргүйгээр хүслийг тань баллачихаж магад. Тэгээд биелээгүй тохиолдолд танаар тоглоом хийх бололцоог хэнд ч бүү өг.

9. Хүслээ илгээх үедээ сэтгэл санаагаа маш эерэг болгосон байх хэрэгтэй. Сайхан ааштай, өөдрөг сэтгэлтэй байх ёстой. Хэрэв таныг хэн нэг нь уурлуулсан, гомдоосон бол ийм байдалтайгаар хүсэл бодоод хэрэггүй. Та хүслээ зохих энергээр тэтгэж чадахгүй тул биелэхгүй. Тэгснээс хүлээж байгаад өөр бололцоотой үеийг ашигласан нь дээр.

10. За ингээд бүх юм бүрдсэн бол хүслээ илгээ. Байнга түүнийгээ бодоод байж хэрэггүй, тань дээр уягдаад, сансар огторгуй рүү очихгүй байвал яана? Бодоод л мартчих хэрэгтэй.

Харин баярын дараа хүсэл мөрөөдлөө биелүүлэх алхмуудыг хийнэ. Мөрөөдөл гэдэг бол хийсвэр эд, ямар ч барьцгүй. Тэгэхээр түүнийг барьцтай, бодитой болгох хэрэгтэй, өөрөөр хэлбэл мөрөөдлөө зорилго болгоно. Ялгааг нь мэдэрч байна уу? Жишээн дээр тайлбарлая: “Нээх гоё машинтай болох юмсан” – энэ бол мөрөөдөл. Харин “ 2010 оны 10 сарын 15 гэхэд би 2009 оны BMW 530i авчихсан байна даа. Хар хөх өнгөтэй, цайвар бор шар өнгийн савхин суудлын бүрээстэй, дугуйндаа 10 цацрагтай дисктэй....” – энэ бол зорилго. Зорилго хэдий чинээ тодорхой байна, таны дотоод ухамсар түүнийг төдий чинээ сайн ойлгон хүлээн авна. Тийм ч учраас “зорилго дээрээ төвлөрөх” гэдэг шүү дээ. Ингээд мөрөөдлөө зорилго болгож тодорхойлсон бол мөрөөдөл тань биелэх замдаа орлоо гэсэн үг.

Дараагийн алхам бол зорилгоо биелүүлэх төлөвлөгөөгөө боловсруулах. Төлөвлөгөөгүйгээр зорилгодоо хүрнэ гэж байхгүй. Төлөвлөгөө гэдэг бол эрдэнэсийн санг олох боломж өгөх газрын зураг гэсэн үг.

Төлөвлөгөөг хэрхэн зохиох талаар зөвлөмж өгөхөд хэцүү. Учир нь таны зорилгод хүрэх боломж бүхий замыг танаас өөр хэн ч мэдэхгүй шүү дээ. Мэдээж баярын маргааш босонгуутаа таныг төлөвлөгөөгөө боловсруул гэхгүй. Магадгүй, таны төлөвлөгөө хавар тийшээ, тэр байтугай зун тийшээ ч боловсорч болно. Ямар ч байсан, та энэ төлөвлөгөөгөө боловсруулах асуудлыг эхний зорилгоо болгочих. Та арга замыг хайж тодорхой үйлдэл хийнэ гэдэг л чухал.

Төлөвлөгөө бэлэн болсны дараа, мэдээж хэрэгжүүлэх үйлдлүүдийг хийж таарна. Эхний үйлдлүүдийг та хийчихсэн байгаа: мөрөөдлөө таньчихсан, зорилгоо хэлбэржүүлчихсэн, төлөвлөгөөгөө боловсруулчихсан. Мэдээж энэ бол их чухал үйлдлүүд, мөрөөдлөө биелүүлэх замыг тодорхойлсон үйлдлүүд. Одоо харин төлөвлөгөө – газрын зурган дээр заагдсаныхаа дагуу явах хэрэгтэй. Энэ хэсэг хамгийн урт, хамгийн бэрхшээлтэй хэсэг байдаг. Энэ замаар явахад танд олон саад тохиолдох болно. Саад тотгоруудыг гарал үүслийнх нь байдлаар дотоод болон гадаад гэж хувааж болно.

Дотоод саад бэрхшээлүүд бол тухайн хүний итгэл хатуужил, зан ааштай холбоотой. Зарим хүн сэтгэлийн тэнхээгээрээ амжилтанд хүрдэг бол, нөгөөх нь цаглашгүй зүтгэл, эсвэл мэдлэг чадвараараа хүрдэг байх жишээтэй. Гадаад бэрхшээлд танаас шалтгаалаагүй нөхцөл байдлуудыг авч үзнэ. Жишээ нь та нэг бизнес хийж эхэллээ гэхэд таны талбай түрээсэлж байгаа байгууллага эрчим хүчний төлбөрөө хийгээгүйгээс цахилгаанаа байн байн таслуулж таны ажилд саад болж байвал энэ танаас шалтгаалаагүй бэрхшээл, тийм үү? Та бусад хүмүүсийн үйлдлийг хариуцаж чадахгүй нь ойлгомжтой. Харин энэ гадаад нөхцөл байдал - бэрхшээлд та яаж хандах гэдэг нь таны дотоод хүчин зүйл болоод явчихна. Үүн дээр бол та ажиллаж болно, ажиллах ч ёстой юм. Одоо өөр дээрээ хэрхэн ажиллаж шинэ оныхоо мөрөөдлийг ххэрэгжүүлэх замыг хялбаршуулж эцсийн эцэст хүссэн үр дүндээ хүрэх талаар тодорхой ярилцъя.

Мөрөөдлөөсөө татгалзах хүртэл нөлөөлдөг гол гадаад хүчин зүйл бол хүмүүсийн хорвоо ертөнц бидэнд харамгүй боломж өгдөг гэдэгт итгэдэггүй явдал. Магадгүй таны найз нөхөд болон ойрын хүрээнийхэн таны төлөвлөгөөг шүүмжилж, таныг буруу юм хийх гээд байна гэж эмзэглэн ятгана. Өөрсдөө юу ч хийхгүй байгаа байдлаа янз бүрээр танд тайлбарлах боловч жинхэнэдээ бол: “ Би мөрөөдлөө биелүүлэхийн төлөө ямар нэгэн үйлдэл хийхгүй л байгаа биз дээ, гэтэл чи яахаараа өөрийгөө надаас ухаантай, мөрөөдлөө бүтээж чадна гэж бодоод байгаа юм” гэсэн гол утга санаа л байх вий. Тэд өөрсдийгөө мөрөөдлөө биелүүлж чадахгүй гэж боддог болохоор таныг ч гэсэн чадахгүй гэж бодох нь зөв л дөө.

Хамгийн чухал нь юманд хүрч чадаагүй хүмүүсийг сонсох биш, харин амжилтанд хүрсэн, мөрөөдлөө биелүүлсэн хүмүүсээс үлгэр авч, тэдний бодлыг сонсох хэрэгтэй. Аливаа амжилтанд хүрсэн хүмүүс дурсахдаа хорвоо дэлхий хүн бүхэнд боломж өгдөг, үүнийг би мэдэрч мөрөөдлөө биелүүлэхийн төлөө хөдөлж эхэлсэн, тэгэхэд ажил үйлс аяндаа бүтээд ирдэг юм, бидний дотоод ухамсар биднийг удирдаж замыг минь засаад эхэлдэг гэж ярьдаг. Мөрөөдлөө биелүүлж гялалзсан амжилтанд хүрсэн Роберт Т. Кийосакигийн бестселлер “Баян аав. Ядуу аав” номыг уншаарай гэж би зөвлөх байна. Нэрнээс нь хараад баян болох зааварчилга ном юм уу гэж та бодож байгаа байх. Амжилтын сэтгэл зүйг өгүүлсэн маш сайхан ном шүү. Амжилтанд хүрсэн хүмүүс гэдэг бол мөрөөдлөө биелүүлж чадсан л хүмүүс, өөр бусдаас илүү юм тэдэнд байгаагүй байдаг.

Ойрын хүрээнийхний тань эсэргүүцэл рүү эргэн оръё. Энэ гадаад хүчин зүйлийг би зүгээр нэг онцлоогүй, яагаад гэвэл энэ хүчин зүйл танд хамгийн их нөлөөлж чадах, өөрөөр хэлбэл таны дотоод хүчин зүйл - саад болж хувирах эд юм. Ховсдох эффект болж мэднэ гэж хэлэх гээд байна. Хэрэв таны 5 найз таныг бүтэхгүй юм ярьж байна гээд байвал та ч бас өөрөө мөрөөдлөө бүтэхгүй гэдэгт итгээд ирнэ. Иймэрхүү зүйл тантай тохиолдож байсан биз?

Аз болоход өөрөө өөрийгөө ховсдох арга байдаг. Хэрэв та өдөр бүр гол зорилгоо бодолдоо төвлөрүүлэх, эсвэл түүнээ хэрэгжүүлэх төлөвлөгөөгөө хайх, дараагийн шатандаа энэ төлөвлөгөөнийхөө биелэлтэнд хамаг анхаарлаа хандуулан бодож байвал таны дотоод ухамсар мөрөөдлийн биелэлт энүүхэнд байна гэдэгт дасах болно. Тэгээд дараагийн удаад гадаад хүчин зүйл – саадтай тулгарахад тань энэ бэхжсэн дотоод ухамсар тань огт өөр шийдлийг танд гаргаж өгөх болно.

Жишээ нь, та интернет – бизнес эрхэлж эхэлтэл таны провайдерын тоног төхөөрөмж эвдэрснээс интернет холболтыг хэд хоног таслах боллоо гэвэл та одоо тэдэнтэй өдөржин хэрүүл хийж уурлахгүй. Та энэ интернетгүй байх хугацаагаа өөр бас чухал ажилдаа зарцуулахаар шийднэ. Шинэ нийтлэл бичих, эсвэл ажилдаа хэрэгцээтэй ном уншиж судлах гэх мэтээр. Өөрөөр хэлбэл та урагшаа явсан хэвээр л байх болно, зүгээр төлөвлөгөөндөө жаахан өөрчлөлт оруулна л гэсэн үг. Өөрөөр хэлбэл та замаасаа буцаагүй, цаашаа явна, энэ бол хамгийн чухал нь. Зорилгодоо хүрэх замдаа та өөрийгөө байнга хөгжүүлэх ёстой. Өөрийгөө хөгжүүлэхэд тань Ронда Берны “Нууц” ном болон баримтат кино, Наполеон Хиллийн “Сэтгэ, баяж” , Ренди Гейжийн “Та яагаад ядуу, тэнэг, өвчтэй байгаа вэ?” гэх зэргийн номуудыг уншвал тустай байх болно. Энэ номнуудыг аудио хэлбэрээр олж аваад гудамжинд явж байхдаа, машиндаа явж байхдаа сонсож байвал танд маш их хэрэг болно шүү. Энэ номнуудыг ганц удаа уншаад, сонсоод хаях биш, хэд хэдэн удаа унших хэрэгтэй, уран зохиол биш шүү дээ... Ямар ч байсан эдгээр номнуудад байдаг зөвөлгөөнүүдийг би 10 нууц зөвөлгөө болгон тоймлосноо та нарт хэлье:

1. Таны бодол таны амьдралыг тодорхойлдог.
2. Тодорхой нэг гол зорилго өмнөө тавь.
3. Түрийвчээ дүүргэж эхэл буюу эхлээд өөртөө мөнгө төл.
4. Зардлаа хянаж бай.
5. Өөрийгөө байнга хөгжүүл.
6. Байгаа мөнгөө ажиллуул.
7. Бүтээлч ухаанаа ашигла.
8. Нарийвчлалтай бод.
9. Шийдэмгий бай, шууд хөдөлж сур.
10. Дотоод ухамсараа нээлттэй болго.

Энэ 10 зөвөлгөө анх уншихад огт ойлгомжгүй байгаа гэдгийг би ойлгож байна. Дээр дурьдсан номнуудын нэгийг л уншихад танд бүх юм ойлгогдоод ирнэ гэж итгэж байна. Ийнхүү өөр дээрээ байнга ажиллах юм бол дотоод ухамсар тань мөрөөдлийг биелүүлэх хөтөлбөр болон хэрэгжилтийг танд гаргаад өгнө гэдэгт та итгэ.

Орчуулсан Ё. Одончмиэг, www.orosshkolton.mn

Дэлгэрэнгүй...

lundi 13 décembre 2010

Хүн хүндээ хайртай байдаг

Та бүхний энэ өдрийн амрыг эрэн мэндэчилий.

Энэ удаад та бүхнээс нэгэн залууд туслаач гэж гуйж байгаа маань энэ. Түүний нэрийг С.Бат-Эрдэнэ гэдэг. Тэрээр дөнгөж 20-н настай бөгөөд хүн бүрт тохиогоод байдаггүй тархины хадвар гэдэг өвчнөөр өвчилж, Монголд мэс засал хийлгэсэн ч гадны орон руу явж хийлгэх шаардлагтай болсон юм.

Та ЗААВАЛ доорхи хаягаар орж дэлгэрэнгүй үзнэ үү:
http://www.hellobaagii.com/

Би бичлэгийг үзээд С.Бат-Эрдэнэд хэн бүхэнд байдаггүй тэр их сэтгэлийн тэнхээ, урам зориг, ирээдүйг харсан тэмүүлэл байгааг олж харсан. Энэ дээр нэмээд та бидний жоохон тус байхад л энэ залуу цоо эрүүл боллоо.

Элэг нэгт Монголчууд минь энэ залууд хамдаа тусалцгаая.

С.Бат-Эрдэнэтэй холбоо барих:

Монгол Улс, Өвөрхангай аймаг
Арвайхээр сум VI баг 55-р гудамж 693 тоот

С. Бат-Эрдэнэ.
Харилцах утас: 99924125,
93077867
96464688

Хандивын данс: С. Бат-Эрдэнэ:
Хадгаламж Банк: ₮ - 10210015264
$ - 10210015265
Хас Банк: ₮ - 5000255795
$ - 5000255809
Хаан Банк: ₮ - 5009224346
$ - 5009368832
Голомт Банк: ₮ - 1805014582

Дэлгэрэнгүй...

samedi 11 décembre 2010

Өөрийгөө дарж байх үгс...

**Төгс төгөлдөрөөс бүү ай. Та түүнд хүрэхгүй. Тэгээд ч төгс төгөлдөр зүйлд ямарч сайн юм байхгүй. Сальвадор Дали

**Хүн хичнээн ухаантай, боловсролтой, авьястай, шударга зүрх сэтгэлтэй бай, гагцхүү биеэ тоосон л бол, энэ бүх сайн чанар нь дутагдал болон хувирдаг. Лев Толстой

**Хүнд хэдий хэмжээний ухаан дутаж байна, төдий хэрийн ихэмсэг зан цухалзана. Александр Поп
**Их зан бол агуу ихийн бус, өчүүхэн дордын шинж юм. Жонатан Свифт

**Өөрийнхөө талаар дэндүү дээгүүр, бусдын тухайд дэндүү доогуур бодолтой явдагаас л их зан төрж байгаа юм. Монтене

**Залуу явахад бидний алдаа ашигтай, харин түүнийг өтөл нас руугаа чирэн очиж л болохгүй. Гёте
**Хэрүүл хийхэд хоёр хүн шаардагддаг. Хэзээ ч та тэдний нэг нь бүү болоорой. Жон Лэббок
**Мөнх амьдрах юм шиг, тийм харамч нарийн хүмүүс байх юм. Бас маргааш үхэх юм шиг, тийм үрэлгэн хүмүүс ч байх юм. Аристотель.

Дэлгэрэнгүй...

lundi 6 décembre 2010

Монгол залуу Франц орныг тойрно

За та бүхэн Монгол залуу Франц орныг тойрно гэхээр бас юун Амай гараад ирэв ээ? гэж магад. Тийм бол арай биш юм аа. Аялагч уу гэвэл бүр том андуурсан болно. Түүний нэрийг Д.Батпүрэв гэх бөгөөд 2008 онд Францын ANOKO–ийн киноны багынхантай хамтран Монголын хөдөө, хүмүүний амьдрал, байгалын сонин хачин, уламжлалт баяр наадам ... зэргийн талаар өгүүлсэн кино хийсэнээ Францын бүхий л том жижиг хотуудаар хүмүүст хүргэхээр аян замдаа гарчээ. Нийтдээ 2- 3 жилийн турш киногоо үзүүлэн Монголоо суртачлан явахаар төлөвлөсөн байна.
Эцэст нь дурдхад монголын амьдралыг харуулсан киног, өөрөө бүтээлцсэн монгол хүн үзүүлж, тайлбарлана гэдэг монголоо дахин таниулж буй хэрэг юм. Киног үзээд Монгол руу урсах жуулчдын тоо улам нэмэгдэнэ гэдэгт би итгэлтэй.

Бат даа амжилт хүсийййййййййййййййй.

Кино хаа хэзээ, ямар хотуудад гарах дэлгэрэнгүй мэдээллийг http://www.connaissancedumonde.com – оос.

Дэлгэрэнгүй...

jeudi 2 décembre 2010

Амжилтанд хүрсэн удирдагч

Арван жилийн турш Самсунг групп, Хьюндай электрон, Хьюндай киа үйлдвэр зэрэг том компа­ниу­дын 3000 гаруй ажилчдад сургалт, зааварчилгаа өгч байсан менежер Хон Иу Сукийн илтгэл. Тэрээр ямар менежмент амжилтанд хүрдэг, мөн менежер хүн ямар байвал зохих талаар өөрийн туршлага, Өмнөд Солонгосын туршлага дээр суурилан өгүүллээ. Хон Иу Сук нь Америкийн Отава их сургуулийн бизнес харилцааны анги, Ионсей их сургуулийн хэвлэл мэдээлэл, суртал­чил­гаа­ны анги, Соган их сур­гуу­лийн үйлдвэрийн бүтцийн сэтгэл зүйн мэргэжил эзэмшсэн байна.

Амжилтанд хүрсэн удир­дагчдад онцгой чанар байдаг

Энд хүрэлцэн ирсэн та бүхний дунд улс төр, эдийн засаг, урлаг соёл гэх мэт янз бүрийн салбарт хувь нэмрээ оруулж буй хүмүүс бий. Аль ч салбарын тухай ярьсан удирдагчгүй газар гэж үгүй, удирдагч хэрэггүй газар гэж үгүй. Тиймээс сайн удирдагч болохын тулд хүмүүс ном зохиол уншиж, боловсрол эзэмшдэг.

Өнөөдөр та бүхэнтэй са­нал бодлоо хуваалцах гэж байгаа зүйл маань номонд бичигддэг онолын асуудал биш бөгөөд харин бодит ам­жил­­танд хүрсэн хүмүүс, зог­соо зайгүй дэвшин дээ­шилж буй пүүс компаниудын хоо­ронд ижил төсөөтэй зарим шинж чанар ажиг­лагддаг ту­хай юм. Энэ нь ямар шинж чанарууд вэ? Би өөрийнхөө судалгаа, туршлагын үндсэн дээр дараах шинжүүдийг та бүхэнд толилуулж байна.

Нэгдүгээрт: Өөрөө өөрийн­­­­­­­хөө болон пүүс ком­па­­ний­­хаа өмнө тавьсан то­дор­­­хой зорилготой байдаг. Тодорхой хүсэл эрмэлзэл­тэй байж, өөрийгөө болон бусды­гаа зорилгоо биелүүлж чада­хыг мэдрүүлэх хэрэгтэй. Бие­лүүлэх гэж буй тэрхүү зорилго нь бодит байх бөгөөд хэм­жиж болохуйц тодорхой цаг хуга­цааг товлох хэрэгтэй юм. Тэгээд ямарваа нэгэн хэлбэ­рээр өөрийнхөө өмнө таьсан зорилгоо цаг тутамд бусдад мэдүүлэх хэрэгтэй (хэл яриа, үг үсэг, зураг, зар суртал­чил­гаа зэргийг ашиглах гэхчлэн). Өөрөө түүгээрээ дам­жуулж хийх гэж буй ажилдаа улам бүр итгэлтэй болно.

Хоёрдугаарт: Хийж буй ажил­даа, өөр хоорондоо ит­гэлц­сэн хүмүүс удаан хуга­цаа­ны туршид хамтран ажил­­ладаг. Чадвартай үндэс­лэн байгуулагчид захирал­тай­гаа удаан хугацааны турш хамтарч ажилласны үндсэн дээр тэрхүү компани хөгжин дэвждэг. Тэд бие биенийхээ ит­гэ­лийг бүрэн олохын тулд маш их хичээц­гээдэг.Тэд зөв­хөн нэг удирдагчтай боло­хын тулд цаг зав гарган сайн ярилц­даг. Итгэл хүлээнэ гэдэг нь цаг мөч бүрт илэр­хий­лэг­дэж буй бүх зүйл тэр­хүү ит­гэл­тэй холбоотой байд­гийг ха­руул­даг. (Үг яриа, зан бай­дал, ажилдаа хандаж буй төрх)

Гуравдугаарт: Ямар ч үед хүнийг ялгаварлалгүй санал бодлоо хуваалцдаг байна. Ярилцаж байх­даа өөрөө л яриад байх биш бусдын үгийг сайн сонсох хэрэгтэй байдаг. Хүндэтгэл хүлээсэн удирдагч ямар байх тухай бичээд үзье гэвэл хэн ч их ярьдаг удир­даг­чийг сайн удир­дагч гэж хэлдэггүй. Хүмүүс өөрийн­хөө ярьж байгааг сонсдог хүнийг хүндэлж дээдлэдэг.
Дөрөвдүгээрт: Жижиг ажил, түр зуурын амжил­тан­даа эрдэлгүй ирээдүйгээ харж ажиллах холын хараатай байдаг. Зогсоо зайгүй өөртөө шинэ нээлт хийх төдийгүй, ажилчиддаа зориулж дэвшин сайж­рах төлөвлөгөөтэй байж түүнийгээ бо­ди­тоор хэрэг­жүүл­­­нэ. Ажилчин хүн нэг ажил­­­даа тогтвор­той удаан бай­­­на, аль эсвэл яваад өгнө. Ажилч­­­наа жирийн нэг жижиг хэрэг­­­лээ төдийгөөр авч үзэн түр ашиг­лаад хаячих юм шиг сэт­гэг­дэл төрүүлбэл яваад л өгнө. Харин ажилчиндаа зо­риул­сан ямар нэг төлөв­лєөгөөтэй байж, хүсэл эр­мэлз­­лэ­лийг нь төрүүлэн дэмжиж өг­вөл итгэл дүүрэн ажиллах бол­­дог. Тас­ралт­гүй боловс­рол эзэм­шүүлж, хамт­даа хөгжин дэвших хэрэг­тэй. Өөрөөр хэл­бэл, ажилч­наа сургах төдий­­гүй удирдагч өөрөө үлгэр дуу­­рай­­лал үзүүлэн жил бүр то­дор­­хой хэм­­жээний ном уншиж (жишээ нь жилд 50ш), ши­нэ төрлийн удирд­ла­­гын сур­­галтанд хамрагдах хэрэгтэй.

Тавдугаарт: Ажилчныхаа ал­даа дутагдалд анхаарал халамж тавьж, алдаагаа засах хүртэл нь хүлээж чаддаг байна. Зөвхөн маргаашийн үр дүнд эрдэлгүйгээр тэр ажилч­ны­хаа чадавхийг үнэ­лэн, жинхэнэ ур чадвараа гар­гах хүртэл нь хүлээж чадах хэ­рэг­тэй. Хулс мод 4-5 жи­лийн хугацаанд газар дор бага багаар ургаж байгаад нэг жилд 25м ургадаг шиг найд­вар тавин итгэсэн хүндээ хэн ч гэсэн хариу барьдаг юм. Олны итгэлийг хүлээсэн захирал хүн гэдэг ажил­чин­даа хүний итгэлийг хэрхэн хүлээдэг тухай, мөн итгэл найд­вар өвөрлөн хүлээх та­лаар үлгэр дуурайл болдог. Тэрээр хийсэн алдаанаасаа сур­гамж авч, дахин тийм алдаа гаргахгүйгээр чадвар­тай болно гэдэгт итгэж өгвөл ажилчин ч итгэл даах болно. Тарьсан үр цэцэглэдэг шүү дээ.

Амжилтанд хүрсэн удирдагч­дын нийтлэг шинж чанарын тухай авч үзлээ.

Одоо амжилтанд хүрсэн пүүс компаниудын нийтлэг чанарын тухай толилуулъя. Гурван өөр компанийг жишээ болгоё.

Өмнөд Солонгосын үлгэр дууриал болсон компаниудын нэг болох И-Лэнд (E-Land).

Тус компани нь анх 108 кв.м талбайтай жижигхэн дэл­гүүрээс гараагаа эхэлснээс хойш 23 жил өнгөрөөд байгаа бөгөөд одоо ор­ло­го нь 1 триллион вон давсан том пүүс болж хөгжсөн бөгөөд энэ­хүү компаний урианд “Ажлын тал­бар бол амьдралын сур­гууль” гэ­сэн байдаг. Та бүхний сайн мэдэх Samsung группын урианд ч бас “Чадвартай боловсон хүчин бэлт­гэс­нээр дээд зэргийн бүтээгдэ­хүүн үйлд­вэр­лэж ний­гэм­дээ хувь нэмрээ оруулц­гаая” гэсэн байдаг. Ам­жил­танд хүрсэн компаний хамгийн их хичээдэг зүйл гэвэл яах аргагүй ажилчдаа сурган боловс­руу­лах явдал юм. “И-Лэнд” ком­па­ний хувьд л гэхэд жилд 1 ажилчин дунджаар 600 цагийн сургалтанд хамрагддаг юм. Энэ хугацааг ажлын өдрөөр нь тооцоод үзвэл 25 өдөртэй тэнцэнэ. Өөрөөр хэлбэл 25 өдрийг бүхэлд нь сургалтанд зориулж байна гэсэн үг юм. Энэ 25 өдрийн сургалтнаас гадна бүх ажилчид нь удирдан зохион байгуулахтай холбогдсон 300 боть номыг заавал уншсан байх ёстой. Энэ компани нь шинэ ажилтан нэмэгдэх бүрт компаний нэр төр, туй­лын зорилгод хандуулсан 3 са­рын сургалт явуулдаг. Одоо ажилч­дын гэр бүлийнхэнд зо­риулж 1 бүтэн єдрийн сургалт явуул­даг болоод байгаа бөгөөд ажилч­дын­хаа хүүхдүүдэд зориул­сан сур­гал­тын программ бэлтгэж байна.

Санаанд минь хамгийн тод үлдсэн зүйл гэвэл энэ компаний Ерөнхийлөгч Пак хэлэхдээ манай компаний ажиллагсад 10 жилийн дараа гэхэд сайн өсөн хєгжиж нийгмийн салбар бүрт удирдагч-Leader болно хэмээн найдан боловсролын сургалтанд хөрөнгө оруулдаг гэсэн билээ.

Зөвхөн нэг компаний төлөө биш, эхлээд ажилчнаа өөрийг нь хөг­­жүүлж, нэр хүнд бүхий нийг­мийн гишүүн болгохын тулд сур­галт явуулдаг учиртай. Би 10 жи­лийн өмнө тэр компанид хүмүүсийн хоорондын харилцаа­ны соё­лын сургалтыг даан ажиллаж байхдаа энэ компанитай танилц­сан бөгөөд удалгүй Пак ерөн­хий­лөг­чийн хэлсэн нь биеллээ олж манай улсын өнцөг булан бүрт ажиллаж байгаа “И-Лэнд”-ээс төрөн гарсан сайн удирдагчдыг харах болсон юм.

Үнэндээ дэлхийд хамгийн их сур­галт явуулдаг компани гэж хэлэхэд буруутах зүйлгүй. Түүний үр дүн нь гэвэл одоо “И-Лэнд” дэлхийд алдартай пүүс төдийгүй до­тоодын их дээд сур­гуулиудын төг­сөгчдийн очиж ажиллахыг хүс­дэг ТОР компаниудын тоонд багтдаг.

“Самсунг” групп ч ажилчиддаа зориулж дунджаар 30-аас дээш цагийн Leadership-удирдлагын арга зүйн сургалт явуулдаг. “Самсунг” сургалтын хүрээлэн нь амралтын өдөр ч явагдаж байдаг нь сургалтанд хичнээн их хөрөнгө зарцуулж байгааг харуулж байна.

Та бүхний сэтгэл санаанд илүү ойртож очих жижиг дунд үйлдвэ­рийн жишээг танилцуулъя.

Энэ компани нь оёдлын үйлдвэр­лэл эрхэлдэг бөгөөд 2000 онд Солонгост болсон эдийн засгийн хүчтэй уналтыг даван туулсан ком­пани юм. 100 гарч байсан ажилчдын тоо нь гуравны нэгтэйгээ тэнцэх хүрт­лээ буурч, компани дам­пуур­магц нийлүүлэгч компаниудын хүмүүс шуугиан тарьж, ажилчид нь тай­ван ажлаа хийх боломжгүй хүнд хэ­цүү байдалд орсон байлаа. Гэтэл энэ компаний захирал нь ийм хүнд бай­далд орох тусам зориг тэв­чээр­тэй, хүчтэй байж компаниа хам­гаа­лах хэрэгтэй гэсэн бодолтойгоор нийт ажил­чид­даа сургалт явуулсан юм.

Долоо хоног бүр гурван цагийн турш өглөөний ажлын цагийг зар­цуулан ажилчиддаа хүнлэг ухааны та­лаар болон удирдан зохион бай­гуу­лах тухай сургалтууд явуулж түүн­дээ хөрөнгө зарсан байна. Ажил­чид нь ч эхэндээ дургүйцэж, гад­ны хүмүүс ч гэсэн дампуурсан ком­­па­ни илүүдээ гарсан зардал гар­гаж байна гэх зэргээр муулц­гааж байсан үе.

Жилд дунджаар 100 цагийн сургалт явуулсан гээд бодоод үзэхээр ерөн­хий­дөө томоохон пүүс ком­па­ниуд ч хийх боломжгүй зүйлийг хийж байсан юм. Гэхдээ компаний захирал нь байр сууриа алдалгүй аюулгүй, тогтвортой компанийг бий болгохын төлөө бүхий л хүчээ зориулан ажилласан байна.

Түүний үр дүнд дампуурсан тэр жилдээ л гэхэд 1 миллиард вонийн ашигтай ажиллажээ. Энэ үр дүндээ эрдэж бардалгүйгээр сургалтаа үргэлжлүүлэн явуулсаар 3 жилийн нүүр үзээд байна. Одоо энэ компаний ажилчид нь өөрийн компаниараа бахархан ихэвчлэн загварын компаниудын туулдаг хүнд хэцүү байдлаас гараад цэвэр имиж нэр төр бүхий компани болоод байна.

Энэ байдлаас үүдэн нэр хүнд бүхий байгуулагууд хамтран ажил­лахыг санал болгож, ингэснээр тэдний хувьд энэ компанитай хамтран ажиллаж байгаа нь нэг шат дэвшин дээшилсэн мэт сэтгэгдлийг тєрүүлэх болжээ. Гол хүч болох компаний гишүүд нь адил төстэй үйлдвэрлэл эрхэлдэг хүмүүстэй уул­захад, өөрийнх нь компаний хүмүүс ихэвчлэн яриаг тэргүүлэн, санаач­ла­гыг гартаа авдаг болсон нь мэд­рэгд­дэг хэмээн ярихдаа тэд энэ компаний ажилчин болсноороо бахархаж байлаа.

Ихэнх хүмүүс ийм яриа сон­сохоороо бодит биш идеалист хэмээцгээдэг. Дээр танилцуулсан компаниуд ч гэсэн ийм үг их л сонсож байсан. Гэхдээ эцсийн эцэст идеалист байдлыг бодит болгон хэрэгжүүлсэн компани амжилтанд хүрч чадаж байгаа юм. Түүнчлэн энэ бүхэн “харилцаа”-ны дундаас бий болдог. Ямар удирдагч ямар ажилчинтай таарах вэ?, ямар хамтрагчтай таарах вэ? гэдэг нь амжилт болоод уналтыг шийдвэрлэх хүчин зүйлүүд болдог. Амжилтанд хүрсэн удирдагчаас гадна компанид заавал нэг зааварлагч байдаг. Та бүхний сэтгэл санаанд Монгол улсын хөгжлийн байдал тод зурагдсан болов уу? Тэр дунд хөдөлж буй таны өөрийн чинь эрч хүч мэдрэгдэж байна уу? Улс эх орондоо болон өөртөө итгэлтэй байж хүсэл мөрөөдлийнхөө үрийг суул­гаа­рай. Тэгсэн цагт та бүхний мөрөөдлийн жимс бодитойгоор цэцэглэх болно. Дэлхийд дуурсагд­сан их удирдагч Чингис хааны суут ухаан, эр зоригийг илтгэсэн их чадвартай, хязгааргүй их баялагтай, хүн амын 97% нь бичиг үсэгтэй Монгол улс агуу их зүйл бүтээн байгуулах чадвартай гэж бодож байна. Удирдагчид нь тодорхой зорилготой байж, түүнийгээ бүтээлчээр хэрэгжүүлж, олон түмэнд хүргэж байх хэрэгтэй. Итгэлийг нь хүлээхийн тулд тэд­ний үгсийг сайн сонсож, түр зуу­рын амжилтын төлөө яарах хэрэггүй, хүлээцтэй ханддаг тэсвэр хатуужилтай тууштай чанарыг харуулах хэрэгтэй. Ингэснээр Монголчууд хөгжил дэвшилд хүрэх нь гарцаагүй ээ.
http://warez.news.mn/content/39176.shtml

Дэлгэрэнгүй...

lundi 29 novembre 2010

Баян болох хамгийн гол нууцыг Харвардынхан илрүүллээ

Саятангуудын баяжсан нууцыг сонирхдоггүй, мэдэхийг хүсдэггүй хүн надтай л лав тааралдаж байгаагүй. Баяжих нууц юунд байна вэ гэдэг асуултанд хариулах зорилгоор сүүлийн арав хорин жилд хэдэн зуун ном бичигдлээ, хэдэн мянган бизнес треннинг хийгдлээ, хэдэн сая доллар ч үүний үр дүнд “хийгдлээ”. Нууцууд байх нь ч байна. Харин бусад нууцуудыг мэдээд ч олигтой юманд хүрэхгүй, хамгийн гол нууц байх шиг байна гэж Харвардын бизнес сургуулийн эрдэмтэд таамаглаад Дэлхийн бүх тивийн хүмүүсийг, амьдралын бүх давхрагыг хамарсан өргөн хүрээний судалгаа явуулж тэрхүү гол нууцын эрэлд гарчээ.

Судалгааны гол зорилго нь хүмүүсийн амьжиргааны түвшин тэдний өөрийнхөө амьдралд хандах хандлага, амьдралаа төлөвлөх, зорилго тавих байдлаас хэрхэн шалтгаалдгийг тодруулах асуудал байв. Судалгааны үр дүн харвардынханыг алмайруулав. Дэлхийн хүн амыг 4 катергорид хуваагаад тус бүрийг нь амьтны нэрээр нэрлэн судалгааны үр дүнгээ танилцуулсныг хүргэе.

Нэгдүгээр категори. “Сохор номингууд”
Дэлхийн хүн амын 27%- ыг хамарна.

Дэлхийн хөрөнгөнөөс 0 руу тэмүүлэх хувийг эзэмшиж байна.

Амьдралын зорилго, төлөвлөлтөд хандах хандлага: огт байхгүй.

Сохор номингуудыг тодорхойлох гол шинж чанар нь “тэр чигээрээ сохор” гэдгийг хүүхэд ч гэсэн мэднэ дээ. Эрдэмтэд энэ категорид гэр оронгүй тэнүүлчид, архичид, өвчтэй хүмүүс, мөрийтэй тоглогчид гэх зэргээр нийгмийн эмзэг бүлгийн хүмүүсийг оруулсан бөгөөд харамсалтай нь ямар ч хамгаалалтгүй тэтгэврийнхэн ч энд бас орсон байгаа юм. Энэ категорийн бүх хүмүүс өөрсдийнхөө өмнө ямар ч зорилго тавьдаггүй, өөрийн амьдралаа төлөвлөдөггүй, зүгээр л “идэх-уух-унтах” гэсэн байгалийн совиндоо захирагдан“урсгалаар хөвдөг” хүмүүс юм.

Хоёрдугаар категори. “Тахианууд”

Дэлхийн хүн амын 60%-ийг хамарна.

Дэлхийн хөрөнгөний 5%-ийг эзэмшиж байна.

Амьдралын зорилго, төлөвлөлтөнд хандах хандлага нь ихэнхидээ бусдын зорилгыг биелүүлэхэд оршино.

“Тахиа шиг сохор” гэсэн хэлц үгийг санаж байна уу. Тахиа зөвхөн сайн гэрэлтүүлэгтэй үед л хардаг бөгөөд орой бүрийд, ялангуяа харанхуйд харах чадвараа бүрэн алддаг. Дэлхийн хүн амын 60%-ийг хамарсан ажлын хүч гэдэг нь өөрийн дарга нарынхаа зорилго, төлөвлөгөөг биелүүлж байгаа хөлсний ажилтнууд, гэхдээ цалин авч байгаа бодит ажлын хүч (дэлхийн хөрөнгөний 5%) юм. “Тахианууд” энэ дэлхий дээрх бүх зүйлс тэднээс өмнө зохицуулагдсан гэж бодон, өөрийн “босс”-ын төлөө ажиллахаас өөр ямар ч боломжуудыг олж хардаггүй.

“Тахианууд” цалингаас цалингийн хооронд амьдрах амьдралыг орхиж, амьдралд илүү ихэд хүрэхийн тулд өөртөө зорилго тавихаас, ая тухтай байдлаа алдахаас айдаг. Яагаад айдаг вэ? Яагаад гэвэл тэд “Хүмүүс юу гэж бодох бол”, “Намайг солиорчихож гэж ярих байх”, гэж айдгаас гадна“Тэгээд ч энэ амьдралд би юунд ч хүрэхгүй”, “Надад боловсрол-мэдлэг-туршлага-мөнгө байхгүй” гэх зэргээр өөрийнхөө идэвхигүй байдлыг хамгаалдаг. Нэг үгээр хэлэхэд “тахианууд” санхүүгийн эрх чөлөөнд хүрэхийн төлөөх арга замыг хайхын оронд өөрийнхөө “хөдөлгөөнгүй” байдлыг зөвтгөхийг урьтал болгодог. “Chicken” гэдэг нь америкчуудын ярианы хэлэнд “аймхай”, “сэтгэлгүй” гэдгийг мөн илэрхийлдэг юм.

Энд хэлэхэд “Хэн эрсдэл хийхгүй байна, тэр шампан дарс уухгүй” гэсэн хэллэг нь зөвхөн “тахианууд”-д хамаарагдана. “Тахиа” өөрийн азандаа найдан, амьдралд ямар ч тодорхой зорилго, төлөвлөгөөгүйгээр их зүйлд хүрэхийг хүсээд, энэ нь биелэх үед (сайхан амьдралын биелэл - мөнгө бий болно) сэхүүн гэгчээр толгойгоо өргөн “Хэн эрсдэл хийхгүй байна, тэр шампан дарс уухгүй” гэж хэлдэг юм. Эсрэг тохиолдолд харцаа буруулан, гараа савчиж, “тэрбумтны гэрт төрөөгүй минь азгүй еэ” хэмээн үглэж, зүгээр л өөрийгөө зөвтгөх гэж оролдоно.

Гуравдугаар категори “Сармагчингууд”

Дэлхийн хүн амын 10%-ийг хамарна.

Дэлхийн хөрөнгөний 15%-ийг эзэмшиж байна.

Амьдралын зорилго, төлөвлөлт: Зорилгоо нарийн тодорхойлдог, өөрийн амьдралаа
тодорхой төлөвлөдөг, өөрийгөө харуулах өндөр эрмэлзэлтэй.
Сармагчингийн хараа ямар билээ? Ямар ч асуудалгүй, сармагчингууд өдөр ч, шөнө ч сайн хардаг. Ямар ч байсан эрдэмтэд үүнийг няцаагаагүй л байгаа. Гэхдээ сармагчинд бусдыг дууриах нэгэн онцлог шинж чанар бий (үүнээс “сармагчин мэт” гэсэн хэллэг үүссэн). Тэд хэнийг дууриадаг вэ? “Тахианууд”-ыг уу? Үгүй байхаа. Тэд энэ жагсаалтын хамгийн сүүлд байгаа нөхдүүдийг дууриадаг.

“Сармагчингууд” гэсэн категорид Харвардын эрдэмтэд тодорхой авъяас эзэмшсэн хүмүүс – шоу бизнес, театр, кино жүжигчид, улс төрчид, тамирчдыг хамруулжээ. Тэд бүгдээрээ зорилгодоо хүрэхийн тулд өөрсдийн амьдралаа нарийн төлөвлөх шаардлагатай хүмүүс байдаг. Тэд шийдвэрлэх мөчид (хэрэв жүжигчин бол - концерт, тамирчин бол - тэмцээн) нормондоо байхын тулд өөрсдийн өдөр сараа цаг минутаар нь төлөвлөж ажилладаг. Үүний үр дүнд тэд амжилт гаргадаг. Тэдний амжилт гэв гэнэт, тохиодлоор ирдэггүй. “Сармагчин”-гийн амжилт – энэ бол хоорондоо холбоотой, дараалсан, сайн төлөвлөгдсөн үйл явцуудын хэлхээ юм. “Сармагчин” – гуудын хөрөнгийн ихэнхи хэсэг нь ажлын хөлс биш, харин шагнал урамшуулал байдаг. Ингээд “сармагчингууд” хэнийг дууриаж байна вэ? Цаг хугацаа, орон зайг хэн нэвт харж байна вэ?

Дөрөвдүгээр категори “Муурууд”

Дэлхийн хүн амын 3%-ийг хамарна.

Дэлхийн хөрөнгөний 80%-ийг эзэмшиж байна.

Амьдралын зорилго, төлөвлөлт: Бүх амьдралынхаа турш өөртөө зорилго тавина,
түүнийгээ биелүүлэх арга замыг нарийн төлөвлөнө, үргэлж амжилтанд хүрнэ.
Мууруудын хараа сайн билүү? Өө, тэгэлгүй яах вэ. Зөвхөн ийм учраас л “муурууд” бусдын байгаа газраас өөр газарт үйл ажиллагаа явуулахыг илүүд үздэг юм. Тэд хэн ч олж харахгүй байгаа талбарыг сонгон авч, түүнийгээ эхнээс нь эхэлж, хөгжүүлээд, дараа нь өөрсдийн хүрсэн өндөрлөгөө бусдад нээлттэй болгож өгдөг. Зохион бүтээж байгаад нь өөрөөс нь өөр хэн ч итгэхгүй байсан Майкрософтыг үүсгэн байгуулагч Билл Гейтсийг санацгаа даа. Бас 100 жилийн өмнө “Макдональдс” түргэн хоолны цэгийг үүсгэн байгуулж, тэр нь одоо бүх дэлхийн хэмжээгээр түгэн дэлгэрч, ой ухаанд ч ормооргүй их ашиг авчирч байгаа Ричард Макдональдсыг санаарай. Интернет, “Google” “Одноклассники.ру” үүрэн холбоо гэх зэрэг технологийн дэвшлийн үндэслэгчдийг санацгаая.

Тэдний тухай эргэн тойрны хүмүүс юу гэж бодож байгаа нь“Муурууд”-д огтхон ч сонин биш, тэд хэнээс ч хамааралгүй амьдардаг, ямар ч саад бэрхшээлээс айдаггүй, тэд өөрийн зорьсон зорилгодоо хүрэхээр итгэлтэйгээр явдаг. “Муурууд”-ын хөрөнгөнд ажлын хөлс гэж байдаггүй, тэд мөнгөний төлөө ажилладаггүй, тэд зүгээр л өөрийн амьдралдаа дуртай зүйлээ хийнгээ, түүнийгээ мөнгө болгодог ба энэ нь зарчмын хувьд өөр,орлогын идэвхигүй эх үүсвэр юм.


Энэ категориудын алинд нь та байна вэ? Та одоогийнхоо санхүүгийн байдалд сэтгэл хангалуун байна уу? (эсвэл хангалуун бус). Байдлыг сайнаар өөрчлөхийг хүсч байна уу? Харвардын бизнесийн сургуулийн эрдэмтдийн үзэж байгаагаар амьдралдаа амжилтанд хүрэхийн тулд ертөнцийг үзэх үзэл бодлоо өөрчлөхөөс эхлэх хэрэгтэй юм байна. Тэдний зөв ч байх. Дэлхийн хүн амын 13 - хан хувь нь дэлхийн бүх баялгийн 95%-ыг эзэмшиж байна гээд бодоод үз дээ? Би тэдний нэг болохыг хүсч байна. Харин та?

Ертөнцийг шинээр, “сармагчин”-гийн, бүр илүүтэйгээр “муур”-ын нүдээр харахаар шийдсэн хүн бүхэнд ертөнцийг үзэх үзлээ өөрчлөх зам тань хөнгөн, дарамтгүй, тохиолдсон саад бэрхшээлүүд таныг улам хүчирхэг, өөртөө итгэлтэй болгон хурцалж, санхүүгийн эрх чөлөөнд хүрэхэд тань хүч, тэвчээр хангалттай байх болтугай гэж хүсэн ерөөе.
Орчуулсан Б. Батбаяр, www.orosshkolton.mn

Дэлгэрэнгүй...

samedi 27 novembre 2010

Одоогоос 5500 орчим жилийн тэртээд хамаарах гутал олдлоо

Дэлхийд хамгийн эртнийд хамаарах арьсан гутал Армен улсаас олдлоо. Та энэ сонирхолтой мэдээллийг фото зургийн хамт энд дарж үзнэ үү.
Дэлгэрэнгүй...

mardi 23 novembre 2010

Ухаант үгс

- Хэл бол цахиур, үг бол оч юм. Нийлээд түймэр асааж мэднэ. Болгоомжтой ярьцгааж бай, та минь.
Э.М.Капиев

- Уулзсан хүнийхээ ухаанд нь тааруулж ярь.
Саади

- Олон дахин бодож ганц удаа шийдвэр гаргах нь зүйтэй.
- Үг зүрхнээс гарч, зүрхэнд тусна.
Низами

- Сонсох урлаг сайн ярих урлагтай бараг эн тэнцдэг.
П.Буаст
- Суут хүн гагцхүү эрх чөлөөний агаар дунд л уужим амьсгалж чадна.
Жон Милль

- Сайхан сэтгэл бол хэлгүй хүмүүс ярьж чаддаг, дүлий хүмүүс сонсож чаддаг хэл билээ.
Кристиан Боуви
- Хүний уран сэтгэмжээс илүү эрх чөлөөтэй юм юу сан билээ?
Хьюм

- Хүнийг уйлуулъя гэвэл өөрөө уйл.
Гораций
- Гай зовлонгийн өмнөөс ухарч болохгүй, харин түүний өөдөөс шулуухан явах хэрэгтэй.
- Амьдарч байхдаа үхлийг хүсэх нь үхэх цаг болоход амьдралын тухай шаналдаг шиг хулчгар явдал болой.
- Юуны ч тухай асуудаггүй хүн юу ч сурдаггүй.
- Ихийг мэдэхээс сайныг мэдэх нь чухал.
- Зүрх сэтгэл бол агуу зүйлсийн хөшүүрэг мөн.
-Тэсвэргүй сул доройтнууд чанга, сахилгатай хүмүүсийн үнэгүй олдгийг их үнээр олж авдаг.
Франц үг
- Илүү их амжилтанд хүрэх чадвар хүн бүрт бий. Зөвхөн үүнийгээ л илрүүлэх хэрэгтэй.

- Алт мөнгийг гангаар шалгадаг шиг хүмүүнийг магтаалаар сорино.
Соломон хаан
- Өөрийгөө бүү магт. Өрөөлд түүнийгээ даатга.

Дэлгэрэнгүй...

dimanche 24 octobre 2010

Уулын аялал

Өнгөрсөн 9-р сард амралтын өдрүүдээр нөхдийн хамт хотоос гарч нэг өдрийн уулын явган аялал хийв.
Тулуз хотоос 170 км орчим явж Испаний хойд хэсэгтэй хил залгаа Hautes-Pyrénées бүсэд хамаарах Pays des nestes хэмээх газар очлоо. Үнэхээр сайхан байгалтай газар байлаа.
Та бүхэнд авсан зургуудаасаа танилцуулваас:

Хүрэх газартаа ирэв. Үдийн хоолны өмнө


Урсгал үгүй гол, нугас шувууны жаргалын орон



Шүхэрчид дээрээс бууж байна. Нэг удаагийн буулт нь 70 евро. Жоохон үнэтэй юм шиг санагдсан. Гэхдээ хүмүүс их л бууж байлээ.


Урсгал ширүүн бяцхан горхи


Ургаа уулын хад. Нутгийн иргэд энэхүү хадан чулуугаар хашаа байшин, саравч зэргийн зүйлсээ бардаг. Хуучны байшингууд нь бүгд шахуу энэхүү чулуугаар баригдсан байдаг юм билээ.


Нуур болон уулс, зарим уулсын энгэр тохойд нь цас хайлаагүй хэвээрээ байж байсан шүү.

Уулын сүүдэр нууранд



Дундад зууны шилтгээн, жижиг толгойн орой дээр



Нутгийн иргэд их ажилласаг хүмүүс байсан


Энэ уул руу чинь мацлаа шүү дээ


Гарах бэлтгэл хангагдав


Бяцхан төөрөлт. гэхдээ замаа олоход амархан байсан. Замын тэмдэглэл сайтай байсан учир. Явахад бэрх замууд бас байсан.


Эсрэг талын уул


Дээр гарсан нөгөө нуур. Ийм жоохон харагдаж байна шүү дээ. Өглөө авираад үдээс хойш бууж ирэв. замдаа эмээ өвөө нартай л их дайралдав. Тэд харин биднээс илүү хөл хөнгөн байсан шүү. Бүүр нэг эмгэн өвгөн хоёр цааш явж дараагийн отог дээр очиж хононо гэж байгаа юм даа. Бид харин барайсан баагийнууд буусан даа. дараагийн удаа бол бэлтгэлээ сайн хангамаар юм билээ.

Ням гаригт гэрийн зүг. Энэ зам чигээрээ Испан ордог зам.


Үнэхээр сайхан байгалтай газар байсан. жуулчид их байсан.


За нэг иймэрхүү байна. Сүүлийн үеийн мэдээ гэвэл сая 10-р сард монгол бичгийн жижиг хэмжээний үзэсгэлэн гарсан ба амжиллтай болсон, ирэх 11-р сарын эхээр Ветнам руу 14 хоногийн аялалд явлаа.
Блог хөтлөн гэдэг завтай хүний ажил юмаа. Цаг их зарцуулах юм. Бас нэг ийм блогтойг та бүхэн мэдэх бил үү. http://monarcheo.blogspot.com Цаг зав муутай ч гэсэн мэдээлэл бүрээ орхигдуулахгүй та бүхэнд хүргэсээр байх болно. харин Та сувгаа бүү солиорой.


Дэлгэрэнгүй...

samedi 25 septembre 2010

Андын хурим

Энэ өдөр өглөө босоод цайгаа уучхаад санаандгүй утсаа аван Монгол руу нэгэн анд руу залгалаа. байна гэж байна, дуу мөн тул би ч ярьж гарав. Ажил төрөл, амьдрал, найз нар маань юу хийцгээж байна, ямар сонинтой байна гээд л... . Намайг зун очиход шинэ байшин барьж байсан бөгөөд хуримаа хийнэ, байшиндаа орно гэж байсан нь, санаанд орж шинэ байшиндаа орсон уу, хурим энэ тэр юу болож байна гэтэл харин өөдөөс одоо хийж байна. Би чамайг мэдээд над руу ярж байгаа юм болов уу гэж бодлоо гэж үү.
Би тухайн үед 9-р сарын сүүлээр л хурим болно гэж санаж байсан ч мартсан байлаа. Бусад найзууд маань ч гэсэн зарим тэнд очсон байна. Тойроод бүгдтэй нь ярив. Хоёр найз маань нэгнийхээ хүүхдийг хүргэхээр явсан ирээгүй байна гэнэ. Цаана нь дуу хуур, чимээ шуугиан байна байнаааа. Санаандгүй гэнэт найзуудтайгаа ярьсан чинь үнэхээр сайхан байна. Бүгдээрээ цуглараад байна гэсэн чинь атаархаж байна шүү.
Хурим хийж буй найзыг маань Дашка гэх бөгөөд бидний хэдэн найз хар багаасаа л нөхөрлөж ирсэн найзууд. Бүгд нэг сургуульд сурдаг байсан. Гэр ойрхон. Аль нэгний нь аав ээж хаашаа ч юм вэ явсан эзэнгүй бол тэнд л бид өнждөг байлаа. Бүгд тэндээ хоолоо хийж иднэ. Хамтдаа тоглож хононо. Хамтдаа заал авна, гадуур гарахдаа хүртэл хамтдаа. Заримдаа болзоонд хүртэл нэгэндээ хань болж явдаг байлаа... . Энэ мэт яриад байвал бидний үеэрхэл үнэхээр дурсамж дүүрэн, бат бөх бөгөөд, таслаж үл барам ган холбоо хэдийн үүсчээ.
Утсаар ярьж байхдаа л аль хэдийн монголдоо яваад оччихсон дунд нь суугаад ярж байгаа юм шиг сэтгэгдэл төрж байлаа. Ярьж дууссаний дараа утсаа тавихдаа би гэдэг хүн чинь тэнд биш, энд байгаа юм байна шүү дээ, за яахав. Андууд минь сайхан баярлаарай. Хурим хийж буй хосууддаа энэ дэлхийн хамгийн сайхан бүхийг хүсийййййййййййййй. Бусад бүх андууддааа ч мөн ялгаагүй хамгийн сайхан, эрүүл энхийг хүсиййййййййййййй. Ирэх жил эргэн баяртай уулзийййййй.

Андуудаа:
Алаг дэлхийд намайг ганцаардал бүү үзэг гэж
Ашгүй бурхан гар таталгүй хайрласан
Амины хэдэн нөхөдтэй билээ би
Цэцэг шиг залуу насандаа бид инээлдэж уулзлуу
Цэнгэл найрын дунд гар сунгаж танилцлуу
Цэцэн шүлгээр тургиж сум шиг нисэж эсвэл
Цээжинд хүнд оргиод уйлж суухдаа би та нарыгаа дуудлуу
Яасныг санамаар байна хэдхэн найзаа яримаар байна
Яруу найрагчын зүрх нөхөрлөл хайрын данс юм

Алтан үсэгээр бичиж, титэм хийж өмсмөөр
Анд нөхөд минь миний цорын ганцхан гангараа юм
Будант Богдын орой ертөнцийн гунигт цэг дээр
Буугаад нисэх шувууны жигүүрт би атаархдаггүй
Буруудаж зөвдөж, дутаж, сагаж явлаач
Бусад нь яах вэ? Анд нөхдөөр би дутаагүй
Намрын усан бороо яндан дагаад урсхад
Найзынхаа дэргэд дулаацах гэж би гэрээсээ гардаг
Нанчид бүлээн цай хаанаас ч олддог орчлон дээр
Найзынхаа гараас хор уугаад сэхэх гэж би яардаг аа

Дэлгэрэнгүй...

lundi 6 septembre 2010

Монгол хүн та эх орондоо хэн вэ ?

Та доорхи бичлэгийг хараад нэгийг бодох буйзаа хэмээн бодно. бид эх орныхоо төлөө юу хийж чадаж байна вэ? чадахгүй зүйлс нь хавьгүй их шигээ. бидний хүсэл мөрөөдөл юу юм вэ? хамгийн сайн мэдэж байгаа юм шиг мөртлөө бас л мэдэхгүй. бид хамгийн ихээр мэдэх санах ёстой үнэт зүйлсээ бас л мартаж байна.


Дэлгэрэнгүй...

mercredi 1 septembre 2010

9-н сарын 1

Блогтоо бичлэг хийлгүй жоохон удчихлаа. Учир нь монголд зав муутай байлаа. Гэхдээ монголд хэрхэн өнгөрсөн тухай дараа тухтай бичих болно.
Энэ өдөр 9-рсарын 1–ний өдөр юм байна шүү дээ. Бүх хичээл эхэлж буй оюутан сурагч, анд найзууддаа сурлагын гоц өндөр амжилт хүсиййййййййййй.
Сурагч байхад ч 9-р сарын нэгний өдөр үнэхээр баярын өдөр байж дээ. Ангийнхатайгаа уулзалдана. Хэн юу хийсэн, хаашаа явсан гээд л сонин сайхан ихтэй, хөгжилтэй байдаг сан.
Харин их сургуульд ороод ирэнгүүт энэ өдөр бол жинхэн архи сонгтууруулах ундааг дэмжих үндэсний залуучуудын өдөр болж хувирна даа.
Нээлт гэж сургуулийн захирал зарим нэг хүмүүс индер дээр үг хэлнэ. Нэгдүгээр курсийн дүү нар л эцэг эхийн хамт чих тавин сонсоно доо /бид ч гэсэн сонсч л байсан/. Ах эгч нар хаагуур байна. Байхгүй, хайцын хариагүй, хашааны буланд байгаа.
Юу хийж байгаан... нутаг нутгаас ирсэн амтат сархдыг хүртэж байгаа. Болж байгаа юм уу. Бололгүй яахав. Энэ өдрийг л хүлээсэн дээ гээд л ... . 10-р ангиа төгсөөд ямарч архи байтугай пиви уудаггүй байсан хүүхэд их сургуулийн алт мөнгөн босгоор алхан ороод л мөлхөн гарна даа. Миний олон ч найзууд эхний жагсаалтаас 2 дахь шагсаалт руу орсон доо.
Бяцхан дурсамж: 1-р курстээ ордог жилээ. Бүх оюутнууд ангидаа орлоо. Танихгүй хүүхдүүд бие биенээсээ бага сага нэрэлхэлгүй хаачихав. Нэг нэгээрээ босч танилцуулна. Ихэнх нь хөдөөний хүүхэдүүд байлаа. Баахан бакалууд. Томоотой гэж жигтэйхэн. Ганц хоёр хоногийн дараа нэг өдөр хичээлийн их завсрлагаанаар бүгдээрээ танилцаж байгаа санаатай. Сургуулиас холгүй нэг хашааны буланд уудаг юм. Өө нүүр ам халуу оргиод л, хэл амаа бидний хурдан олж танилцсан гэж.
Түүнээс хойш мөн чиг олон удаа ууж идэж, унаж тустлаа цэнгэсэн дээ ангийнхан маань. дийлэнх нь голдуу банди нар учир дарвацгаан их уунаа. Хоолонд орох болохоор мөнгө олдохгүй. Архи уух болохоор мөнгө бол гараад ирнэ шүү дээ. Архи амьдарлын дайсан гэж хэдэн сайн найз маань энэ ундаанаас л болж хичээл сургуулиасаа хөндийрсөн. Оюутан дүү нартаа хэлхэд хичээлдээ сайн чамдаа, архи бол дайсан шүү. Амжилт

Дэлгэрэнгүй...

samedi 17 juillet 2010

Нутгийн зүг хүлгийн жолоо

Ирэх 7 хоногт эх нутгийн зүг явлаа. За тэгээд эх орон элгэн садан, ах дүү, анд найз нар минь ирэх 7 хоногт эргэн баяртай уулзая. Урайййййййййййййййййййййййййййййййййй...

Дэлгэрэнгүй...

samedi 26 juin 2010

Хувь Хvний Хувь Заяанд Тохиолдож Болох Гучин Гурван Тоогvй Явдал

Та бүхэн уншаад өөрт буй амжилтанд хүрэхэд саад болоод байгаа, хойноос тань татаж чангаагаад байгаа муу зуршлуудаа олж хараарай. Надад ч гэсэн доор бичсэнчлэн сул талууд байна. За тэгээд хамтдаа сөрөг байдлыг үлдэн хөөж, эерэг чанараа ил гаргацгаая.

Хувь заяндаа ямар нэгэн юмыг єєрчлєх гэж vнэхээр оролддог хvмvvс сvйрэх нь амьдралын эмгэнэлт явдал мєн. Тэгэхдээ тийм азгvй хvмvvс азтай хvмvvсээс хавьгvй олон байдаг. Миний бие хэдэн мянган хvний vйл ажлын тєрх тєлєвийг шинжихэд "азгvй хvмvvс" 98 хувь хvрч байсан юм. Гучин гурван тоогvй явдал юмуу, хvмvvс ялагддаг гучин гурван vндсэн шалтгаан байдагийг би задлан шинжилэх замаар олсон билээ. Харин амжилтад хvрэх замыг заадаг арван гурван зарчим бий. Эхлээд тоогvй явдалд хамаарах бvхнийг авч vзье. Та энэ жагсаалт, шалтгааныг зvйл зvйлээр нь анхааралтай уншвал, амжилт та хоёрын хооронд чухам юу байгааг єєртєє ойлгож авч болох юм.

1. Муу удам угсаа. Хэрэв эзэн єєрєє хичээвээс энэ нь сvйд болохоор дутагдал биш. Таньд тєрєлхийн оюуны єндєр чадавх заясан бол, энэ бэрхшээлийг амархан давж чадна. Бvх тоогvй явдлын дотроос энэ нэгдэх бол хамгийн арилж болох зvйл гэдэгийг анхаарч бай.

2. Амьдралдаа тодорхой зорилгогvй байх. Амьдралдаа тодорхой зорилгогvй, дор хаяж ямар нэгэн юм руу эрмэлзэн тэмvvлдэггvй хvн амжилт олох ямар ч найдваргvй байдаг. Миний санал асуулга авсан зуун хvнээс ерэн найм нь тодорхой зорилгогvй байв. Энэ бол vндсэн шалтгаан ч байж мэднэ. Хvмvvс юу ч хvсэхгvй байгаа бол хэзээ ч юуг ч олж авч чадахгvй. Энэ талаар та бодож, єєртєє олон зvйлийг ойлгоно бизээ.

3. Нэр тєрєє эрхэмлэдэггvй, дунд зэргээс дээш гарах хvсэлгvй байх. Бид аж амьдралаа улам сайн сайхан болгох гэсэн хvсэлгvй болтлоо хувь заяандаа хувь заяандаа хайхрамжгvй ханддаг, мєн шан єгєхєд vл тоомсорлодог хvмvvст онцгой найдвар тавьдаггvй.

4. Боловсрол дахь ялалтууд. Ийм саадыг харьцангуй хялбархан даван туулж болно. Єєрийгєє боловсруулах, хvмvvжvvлэх шаардлагад автсан хvмvvс боловсрол сайтай хvмvvст олонтой ханддагийг туршлага харуулж байна. Ямар ч сургууль таныг боловсролтой хvн болгохгvй. Зєвхєн бусдад хvч хэрэглэхгvйгээр, бусадтай тэгш эрхтэй байж, олж авахыг хvссэн зvйлээ олж авдаг хvнийг боловсролтойд тооцож болно. Боловсрол бол мэдлэг байхаасаа илvv тvvнийг ямар нэгэн юманд хэрэглэх чадвар мєн. Мэдлэг аяндаа vнэлэгддэггvй, харин хэрхэн хэрэглэж болохоороо vнэлэгддэг.

5. Зориггvй байх. Биеийн сахилга єєрийн хяналтаар дамжин хэрэгждэг. Энэ бол хvн єєрийн бvхий л єєдгvй чанарыг хянах ёстой гэсэн vг. Нєхцєл байдлыг хянаж сурахаасаа ємнє єєрийгєє хянаж сур. Єєрийгєє хvмvvжvvлнэ гэдэг хамгийн хvнд ажлуудын нэг мєн. Єєрийгєє ялж дийлэхгvй бол єєрєє єєртєє ялагдлаа гэсэн vг. Та толины ємнє зогсоод сайн найз заналт дайсан хоёрын аль алиныг зэрэг олж харж болно.

6. Євчин эмгэгт баригдах. Бие муу бол гарамгvй амжилт гаргана гэж горьдолтгvй. Євчин vvсгэдэг олон шалтгааныг хянаж болох ба хянах ч хэрэгтэй. Yндсэндээ энэ бол:

а) муу хооллох,

б) ухамсараа жолоодож чадахгvй байх, байнга муу юмны тухай бодох, єєтгvй сэтгэл хєдлєлд автах,

в) сексийг хэт шохоорхох юмуу, эсвэл сексийн зугаа цэнгэл дутагдах,

г) хєдєлгєєн дутагдах, бие бялдараа чийрэгжvvлэхгvй байх,

д) эрvvл агаар дутагдан амьсгалахад хэцvv байх зэрэг болой.

7. Орчны ялангуяа хvvхэд ахуй насанд тvvний нєлєє. "Алим ишнийхээ хажууд унадаг" гэж ярьдаг нь талаар бус. Гэмт хэрэг vйлдэх хандлагатай хvмvvсийн олонхи нь хvvхэд ахуй цагаас vvнд сурсан байдаг. Муу хvнтэй голдуу хvvхэд ахуй цагтаа нєхєрлєдєг.

8. "Маргааш, маргааш" гэж ажлыг хойш тавих. Энэ бол амжилт олдоггvйн хамгийн дэлгэрсэн нэг шалтгаан мєн. Хvн бvрт дуусашгvй "маргааш" байдаг бєгєєд, энэ нь зєвхєн хvнийг дээрэмдэх, амьд явах сvvлчийн боломжийг тvvнээс булга татан авах тохиолдлыг отож байдаг. Бидний дотроос олон хvн зєвхєн хvлээснээс хамартайгаа vлдсэн юм. Ямар нэгэн юмыг анхааралтай хийж эхлэх цаг ирнэ. Хэзээ ч бvv хvлээ, аятайхан цаг олдохгvй. Нэн даруй ажилдаа ор, гарын доор байгаа бvх хэрэгслээ ашиглаарай. Гагцхvv та дєнгєж амжилт олж эхэлмэгц сайн арга хэрэгсэл, боломж нээгднэ.

9. Тавьсан зорилгодоо хvрэх уйгагvй чанар дутагдах. Та бидний дотроос олон хvн сайн эхэлдэг мєртлєє санасандаа хvрэлгvй дутуу орхидог. Тvvнээс гадна хvмvvс бутэлгvй явдлын эхний шинж тэмдэг мэдрэгдмэгц тvvнийг нэг их сvр зар болгох дуртай. Уйгагvй чанарыг юугаар ч орлуулшгvй юм. Уйгагvй чанарыг ч, ухааныг ч хар зах дээрээс худалдан авах аргагvй.

10. Зан араншингийн сєрєг чанарууд. Ой гутам юмыг єєртєє ятгаж, муу зан байдлаараа хvмvvсийг єєрєєсєє тvлхдэг хvнд амжилт олох ямар ч найдвар байдаггvй. Хvн гагцхvv бусадтай хамтран ажиллаж чаддаг хvмvvст ханддаг. Базаахгvй хvнтэй хэн хамтран ажиллах вэ?

11. Сексийн зугааг хяналтгvй тавих. Сексийн эрчим хvч бол хvний нэгэн хєдєлгєгч хvч мєн. Энэ нь сэтгэлийн хєдєлгєєнийг юу юунаас илvv захирч байдаг тvvнийг хатуу хянаж, оюуны ба сэтгэлийн эрч хvч болгон тvvнийг хал балгvй єнгєрєєх боломжит сувагийг нээх хэрэгтэй.

12. Юманд хэт хорхойтон шунах. Аз турших, балмад юм vйлдэх гэсэн эрмэлзэлээс болж олон сая хvн сvйрч байсан тvvх бий. Yvний жишээг Уолл Стрит 29-єєс олж мэдэж болно. Энд олон хvн акцтай аз туршсан ажилбар явуулж мєнгє олохоор оролдсон боловч олонхи нь бvрэн дампуурах цагаа л хvлээж байдаг.

13. Шийдвэр гаргахдаа итгэлгvй байх. Шууд зєв шийдвэр гаргадаг боловч тvvнээсээ тvргэн няцдаг хvн бол сул дорой хvн. Харин ямар ч шийдвэр гаргаж чаддаггvй хvн бол тvvнээс долоон дор дорой хvн мєн. Тийм хvн шийдвэрээ байсхийгээд л єєрчилдєг. Шийдвэр муутай байх, хойшлуулах нь тєрсєн ах дvv хоёр мєн. Нэгэнд нь байр олдсон газар нєгєєд нь заавал олддог. Бvтэлгvй улсын цусыг урсгадаг ярганы газар єєрийг чинь аваачиж єгєхєєс ємнє тэр хоёрыг нядлагтун.

14. Айхын зургаан шинжийн дотроос нэг нь буюу хэд хэд нь байх. (айхын зургаан шинж гэж энэ юуг хэлээд байна?) Энэ зургаан шинжийг бvрмєсєн бєгєєд vг дуугvй гэтлэн давж чадаагvй цагт сонгосон чиглэлээрээ vнэхээр vр дvнтэй ажиллаж чадахгvй.

15. Бvтэлгvй гэрлэх. Энэ нь амжилт олдоггvйн нэлээд дэлгэрсэн шалтгаан мєн. Гэрлэлтийн харьцаа бол амьдралын хамгийн нандин талыг хамарсан хамгийн дотно, хvмvvсийн хоорондын хамгийн нягт харилцаа мєн учраас зохицонгуй байх учиртай. Тиймгvй бол бvтэлгvй явдал хvссэн хvсээгvй таарна. Тvvгээр vл барам эхнэрээ (нєхєрєє) сонгон авах нь зєвхєн ядуурал, золгvй явдал уддаг, нэр тєрєє эрхэмлэхийн сvvлчийн мєрийг устгадаг амжилтгvй явдлын хэлбэр байж болдог.

16. Хэт хаширлах. Боломжоо ашигладаггvй хvмvvс дараа нь хааны ширээнээс хоол зооглосондоо хангалуун явдаг. Хэт болгоомжлох нь салан задгайтай яг адилхан хэмжээгээр муу юм. Хоёр хэтрvvлгээс зайлсхийвэл зохино. Голдуу амьдрал єєрєє боломж олгодог юм даа.

17. Бизнесийн тvншээ бvтэлгvй сонгох. Энэ нь амжилт олдоггvйн хамгийн их дэлгэрсэн шалтгаануудын нэг мєн. Хэрэв та хувийн vйлчилгээгээ худалдаж байгаа бол, ирээдvйн ажил олгогчоо нvд аниад сонгож болохгvй. Тэр хvн чинь нэгд, ухаалаг байх, хоёрт, амжилт олдог байх ёстой. Тэр цагт тvvний vлгэр жишээ таньд онгод оруулах болно. Бид нийтлэг ажил хэргээрээ бусдаас илvv нягт холбоотой хvмvvсийг дуурайхыг хичээдэг. Ямар ч эргэлзээгvйгээр ингэж чадах хvмvvсийг ажилд хєлсєлж аваарай.

18. Атгаг, сэжигч санааг баримтлах. Aтгаг санаа нь амжилт олдоггvйн хэлбэрvvдийн нэг мєн. Ийм vзэл санаатай хvнд мунхагийн шинж хэзээд байдаг. Амжилт олж буй хvний бодол санаа чєлєєтэй бєгєєд, юунаас ч айдаггvй.

19. Мэргэжлээ бvтэлгvй сонгох. Ямар нэг байдлаар таашаал эдлvvлдэггvй ажил дээр та амжилт олох боломжгvй. хэрэв та vйлчилгээгээ худалдаж байгаа бол ажил мэргэжил, адбан тушаал зэргээ сонгон авах нь vйл ажиллагааны чинь нэн чухал шат болно. Єєрєєр хэлбэл, та толгойгоо гашилган бусад бvхнийг умартан бодлогоширч, хvчээ шавхан ажиллах тийм хамаг анхаарал сонирхол юугий чинь булаасан ажлыг сонгон авбал зохино.

20. Хvчээ тєвлєрvvлэхдээ учир дутагдалтай байх. Босоо ороолон шиг юм юм руу vсчдэг хvн юу ч бvтээдэггvй. Нэг амиар хаа дуртай газраа амжилт олшгvй. Yндсэн бєгєєд нарийвчилан тогтоосон зорилгоо биелvvлэхийн тулд хvчээ тєвлєрvvлж бай.

21. Мєнгє, юмаа дэмий vрэх. Yрлэг нь хэзээ ямагт гуйлгачин болохоос айхтай саахалт зайтай оршдог учир, хэзээ ч хэнийг ч амжилтанд хvргэж байсан удаагvй. Єєрийгєє арвич хямгач болгон сурга, орлогынхоо нэг хэсэгийг цааш нь хий. Банкинд хадгалуусан мєнгє бол єєртєє бат итгэлтэй байх vндэс мєн. Мєнгєгvй хvн хvний юу хэлсэнийг зєвшєєрєх, талархан дэмжихээс єєр аргагvй байдаг.

22. Урам зориггvй байх. Та урам зориггvйгээр ямар нэг юм хийх гээд vз, бид хєндлєнгєєс чинь харж байя! Тvvнээс гадна, нєлєєтэй юмгvй, урам зоригтой хvн янз бvрийн бvлэг хvмvvс, хамт олонд нэвтэрдэг давуу талтай.

23. Хvлээцгvй байх. Ямар нэгэн юманд халгаатай, "хатуу духтай" хvн дээшээ дэвших нь нэн ховор гэлцдэг. Хvлээцгvй гэдэг бол зєвхєн хvн шинэ мэдлэг эзэмшихээ больсныг харуулдаг юм. Хvлээцгvйн хамгийн сvйтгэгч тєрлvvд нь улс тєр, арьсны болон шашны итгэл vнэмшилтэй холбоотой байдаг.

24. Хамтран ажиллах чадваргvй байх. Олон хvн зєвхєн бусадтай ажиллаж чаддаггvй улмаас ажлын байр суурь, албан тушаалаа алддаг. Энэ шалтгаан бусад алдаатай хослох нь олон тохиолддог. Сайн мэдээлэлтэй эзэн, удирдагч захирагдагсдынхаа ийм дутагдлыг гадагш гаргадаггvй.

25. Та єєрийн биеэр олоогvй хєрєнгийг эзэмших (энэ нь баян єв залгамжлагчидад онцгой тохиолдно) Баялагийг ёс бусаар эзэмших нь алхам алхамаар хувь тавилангийн шинжтэй болж ирдэг - амжилт гарч байсанvй, цаашид ч гарахгvй. Гэнэт баяжих гэмтэй, гэдрэг унах євчтэй гэлцдэг.

27. Зориуд хvний мєсгvй зан гаргах. Нэрээ залуугаасаа эрхэмлэ! Нэр тєрєє алдах амархан. Yнэндээ нєхцєл байдын шахалтаар хvнд юуч vлдээгvй юм уу сvйрvvлсэн хохиролоос болоод тэр хvн залилж мултарч эхэлдэг явдал байдаг. Энэ бол онцгой учрал! Гэтэл мэдсээр байж ийм замд орсон хvн юунд ч найдах юм билээ. Нууц юм эрт орой алин боловч ил болдог, эрх чєлєєгєє алдах тухай ярихаа байя гэхэд насан туршаа л нэр тєрєє алддаг.

28. Биеэ тоох ба нэрэлхэх. Эдгээр чанар нь энэ хvнээс дєлж явагтун! гэж бусад хvнд анхааруулсан дохионы гэрэл мэт алсаас ив илхэн байдаг. Тийм хvн амжилт олж боох боловч баярлах тавилан байдаггvй.

29. Баримтуудыг эргvvлж тойруулж бодохын оронд тааварлах. Олонхи хvмvvс дvгнэж эгнэж, эргэцvvлэн бодууштай баримтуудад дэндvv хайхрамжгvй ханддаг, залхуу, дэндvv энгийн єнгєц бодомжийг vндэс болгосон хэн нэгний "санал"-ыг илvv чухалчилдаг.

30. Мєнгєгvйдэх. Энэ нь ар тал, дэмжлэггvйгээр ажлаа эхэлдэг, алдаа гарсан тохиолдолд том хэмжээний эвгvй явдлаас аврагдаж чадахгvй хvмvvсийн дунд ихэд дэлгэрсэн байдаг. Та алдаагаа засах, бизнесийн ертєнцєд овоо нэр хvнд олохын тулд боломжтой бол бусдын дэмжлэгийг эхлээд ав, эсвэл мєнгє хуримтлуул.

31. Хэрэв саятан болоход чинь саад болж байсан онцгой ямар нэгэн шалтгаан бий бол (та єєрєє vлдсэн гурвыг нь) доорхи нvднvvдэд бєглєхийг санал болгож байна!

_________________________________________________________

32. ______________________________________________________

33. ______________________________________________________

Энэ бvх гучин гурван явдал бол оролдож vзсэн хэр нь унаж тусч, алдаж байсан хэн бvхний сайн мэдэх амьдралын эмгэнэлт явдал юм. Хэрэв энэ жагсаалт танд юу ч єгєхгvй бол єєрийгєє сайн мэдэх ойр дотны хvмvvсийн нэгнээс нь асуу. Тэр хvн бvгдийг зvйл зvйлээр нь тантай хамт нарийвчлан судлаг, харин єєрийгєє гомдсон хvн болгох гэж бvv оролдоорой! Гэтэл зарим хvнд vvнийг гав ганцаараа хийх нь зохистой байж болох юм. Олонхи хvн єєрийгєє бусад хvн харж байгаа юм шиг хєндлєнгєєс харж чаддаггvй юм. Та тийм хvн биш ч байж болно.
http://www.asuult.net/33_events.php

Дэлгэрэнгүй...

jeudi 24 juin 2010

Тулуз хот дахь дэлхийн хэлний баяр

Тулуз хотод ийм нэртэй нэгэн баяр 06-сарын 13 –ны өдөр болж өнгөрлөө. Энэ жил 18 дахь жилээ зохион байгуулагдаж байгаа аж. Энэхүү баярт улс орон бүрээс Тулуз болон бусад хотуудад амьдарч ажилладаг гадны орны хүмүүс ирж өөрийн үндэсний хэл бичиг, соёл уламжлал зэргээ бусдад таниулан суртачилдаг байна. Миний хувьд бол нэг үзэсгэлэн үзэж яваад энэ баяр болдог тухай мэдсэн ба тэгээд л бүртгэл нь арай дуусаагүй байсан тул бүртгүүлээд оролцох болсон билээ.

Оролцсон тухайгаа товч сийрүүлбээс:

13-ны өглөө эртээ гэгч нь босоод л баяр болох газар хотын төв талбай дээр очилоо. Аль хэдийн оролцох нийгэмлэг, холбоогууд ирсэн байлаа.
10 цагаас эхэлээ. Давхардсан тоогоор 100 орчим улс орны нийгэмлэг холбоод өөрсдийн хэл соёлоо танилцуулахаар цугласан байсан. Би ч яахав ганц монгол ганцаардахгүй гэж, монголын газрын зураг, төрийн далба, монгол хэл болон монгол бичиг, кирилл бичиг, бусад ойр зуур бэлтгэн хэвлэсэн зүйлсээ дэлгэлээ. Бас болоогүй монголоос авч ирсэн сурах бичиг, толь зэргээ хажуугаар нь дэлгэн үзүүллээ. Өөрийн ойр зуур бичсэн монгол бичгүүдээ сайхан гэгч нь самбарт тогтоогоод л тэгээд л болж байгаа юм даа.
Хүмүүс их гайхаж байнаа. Үнэхээр монголоос ирсэн үү, гэрт амьдардаг уу та нар, их хүйтэн биз, их тал нутаг, дандаа морь унадаг уу гэх шиг сонин сонин асуултаар дүүрэн өдөр байлаа. Монгол руу аялаж байсан ганц нэг хүмүүстэй ч таарав.
Миний хувьд тэнд байсан калиграфчидтай уулзалдах, тэдний бүтээлүүдтэй танилцах бодолтой байлаа. Төвд, Араб, Франц, Грек, Армен, Солонгос зэрэг калиграфчид байлаа.
Би бас яаж зүгээр байх вэ, бичиг соёлоо танилцуулахын зэрэгцээ монгол бичгээрээ хүний нэр бичих ажил бага зэрэг хийв. Ер нь бол хүмүүс их сонирхож байсан шүү.

Нээлтийн өмнөх дүр зураг
Миний орон зай


Солонгос калиграфич
Араб, Армен калиграф


Арабаар "тавтай морил"


арменаар миний нэр нэг иймэрхүү.

Хамгийн сүүлд хэлэхэд баяртай байна. Хамгийн гол нь монгол, монгол хэл, бичгээ жоохон ч гэсэн хүмүүст таниулж чадсандаа баяртай байна. Сонирхуулахад нэг рестораны нөхөр ирсэнээ манай ресторан орон бүрийн хоолыг хүмүүст танилцуулдаг хэрэв боломжтой бол нэг 7 хоног танай үндэсний хоолыг танилцуулж болно гэлээ. Яагаад болохгүй гэж гэхдээ одоо биш, дараа бол магадгүй л юм. Хэрэв тэгэх бол би гэдэг хүн чинь тогооч болох нь дээ.

Дэлгэрэнгүй...

samedi 12 juin 2010

санаж явах цөөн үгс

Даруухан бай гэхдээ хулчгар биш
Шүүмжилж бай гэхдээ бүдүүлэг биш
Хатуу бай гэхдээ дээрэлхүү биш
Хөгжилтэй бай гэхдээ тэнэг биш
Эрэгцүүлж бодож бай гэхдээ залхуу биш
Итгэлтэй бай гэхдээ их зантай биш
Сайханн сэтгэлтэй бай гэхдээ зөөлөн биш

Баяжихыг бус боловсорч гэгээрхийг мөрөөд, эд баялагийг үрэн таран хийх амархан, эрдэм ухаан харин хэзээ ч үрэгдэж алга болдоггүй.

Өөртөө тохирох хүнийг хайснаас өөрөө хүнд тохирч сур.

Зөвхөн мэдэж аваад л, мэдсэнээ хэрэгжүүлэхгүй юм бол, юу ч сураагүйтэй адил.

Хүн төрөлхтөний түүхийг бараантуулсан 10 гэмт хэргийн есийг нь согтуугаар нь үйлдсэн байдаг.

Энэ өдрийн нэг цаг, ирэх өдрийн хоёр цагтай тэнцэнэ. Урсан өнгөрч буй цаг хугацаа, өдөр хоногийг хүндэтгэ...
Хором бүхнийг хүндэтгэ яагаад гэвэл тэр чинь хэзээ ч давтагдашгүй.

Залуу наснаасаа мэргэн ухааныг л нөөцөлж ав
Түүнээс илүү найдвартай хөрөнгө гэж үгүй.

ШРИ Чинмойн онч мэргэн үгсээс
Тиймээ, би чадна, би үнэхээр чадна, Зөвхөн шинэ ялалт авчрах, цоо шинийг эхлүүлж би чадна.
өөртөө улам бат итгэгтүн, таныг юу ч айлгаж эс чадна.
Эргэлзэл гэдэг ужиг хууч, итгэл гэдэг уламжлалт эм, нигүүлсэл гэдэг өвгөн оточ, элбэрэл гэдэг хашир асрагч.
Ялалт ба ялагдал хэмээх хоёр модны дунд тэвчээрийн мод урганам.
Агуу ихийн цамхаг ашид үл сүндэрлэнэ, асралт сайны гэрэл ашид мөнхөд гийнэ.
Өрөөл бусдыг хардаж сэрдэх юм бол, өөрсдөө бид ухаан бодлынхоо тамын саварт олзлогдож гарцаагүй баригдсан байх болно.

Дэлгэрэнгүй...

dimanche 6 juin 2010

Ажиллахаар боллоо

За нэгэн баяртай мэдээ оруулж байна. Учир нь гэвэл ирэх долоо хоногоос эхлэн ажиллахаар боллоо. Одоогоос бараг 3 сарын өмнө нэгэн археологийн судалгааны ажил дээр очисон билээ. Түүн дээр судалгааны багын ахлагчтай нь танилцаж байсан маань хэрэг болж нэг сарын хугацаатай судалгааны ажилд нь оролцох болов. Миний хувьд нэг сарын хугацаатай ч гэсэн анх удаа гадны улсад малтлага судалгааны ажилд оролцож байгаа маань энэ билээ. Баяртай байна.
Дэлгэрэнгүйг: http://monarcheo.blogspot.com/2010/06/blog-post.html - оос
Дэлгэрэнгүй...

lundi 24 mai 2010

Хоёр франц монголын талаар

Нэгэн нийгэмлэгийн үйл ажилгааны жагсаалтыг нилээд дээр харсан юм. Тэгсэн монголд 1 сар аялаад ирсэн гэр бүлийн хоёр явсан тухайгаа танилцуулга яриа хийнэ гэсэн зар байв. Тухайн үедээ үзнэ гээд цааш тавьсан байсан ч мартаж орхижээ. Санаадгүй хогоо ухаж байсан чинь гараад ирлээ. Тэгсэн аз болоход яг маргааш нь болох байв. Маргааш нь буюу 05-р сарын 20-ны өдөр очиж үзэснээ сийрүүлсүүү.

Орой 20:30-аас гэсэн байсан учир тэр цагт нь очив. Нилээд хүмүүс ирсэн байв. Таксийг нь төлөөд орлоо. Ороод ойр зуур зүйлс харж зогсож байтал нэгэн нөхөр хүрээд ирэв. Монгол уу гэж байна. Тиймээ л гэлээ. Тэгсэн нөгөө Монголын талаар ярих гээд байгаа гэр бүлийн хоёрын нөхөр нь ажээ. Эхнэр нь ирэв. Танилцав.

Нөхөр Гилбэх, эхнэр Элэни хамт 2008 оны 08-р сард монгол руу 1 сарын хугацаатай яваад ирсэн. Тэгээд тэр талаараа ярилаа. Улаанбаатар – Архангай – Хэнтий – Далан задгад – Баян булаг, Ёлын ам гэх зэрэг маршрутаар яриагаа бэлдсэн байв. Түүн дотроо Монголын уул нурууд, тал хээр, элсэн манхан, хоол хүнс, ахуй амьдрал, ан амьтан, нүүдэл, шашин г. мэт өөрсдийн үзэж харсан зүйлс дээрээ тулгуурласан ч нэмж чамгүй мэдээлэл үзэж бэлдсэн нь тэдний ярианаас харагдсан.

Монголын хөдөөний амьдралын тухай аль сайн талаас нь харсан нь таалагдав. Ер нь бол миний хувьд миний эх орны талаар яриж байгаа болохоор аль болох хэлсэн үг бүрийг нь ойлгохыг хичээж байлаа. Гадны хүний нүдээр хэлж байгаа гэхэд тийм ч муу яриагүй.

Ганц хоёрхоон зүйл хэлэхэд нөхдүүд УБ –ээс холгүй орших Чингисийн морьтой хөшөө, Тэрэлжийн мэлхий хад зэргийг Хэнтий аймаг, Чингис хааны төрсөн газар гэх юм. Хамгийн сонирхолтой нь Архангайд авсан гэсэн зурагт нь Өвөрхангай аймгийн миний мэдэх, бүр сайн таних хүний зураг дүрээрээ байж байхын. Дуусахаар нь асуулаа. Тэгсэн нөхдүүд Хэнтийд очисон, очоогүй нь жоохон эргэлзээтэй санагдав. За тэгээд л хүнийг мууг үзэх гэж байгаа юм шиг улайран асуугаад л байх нь хайшаа юм. Очисон ч байхыг үгүйсгэхгүй шүү дээ. Зөвхөн л миний бодол шүү.

За тэр танидаг хүний зургын тухайд бол нэг газар баяр болж байсан түүн дээр таарсан болж таарав.
Ямартай ч Монголын минь талаар тэнд цугласан хүмүүст чамгүй сайхан мэдээлэл өгөөд амжсан. Тийм ч үнэтэй бишээ. Яваад үзэхэд харамсахгүй шүү гэж хэд хэдэн удаа хэлсэн нь надад бол таалагдаж л байлаа.

монголын талаар ярьсан нөхөр эхнэрийн хамт


Өвархангайн миний сайн танидаг хүн гээд байсан зургийн баруун талаас 1 дэхь хүн. Хар дээлтэй тамхи барьсан залуу.


Тэрхүү нийгэмлэгийн зорилго бол: янз бүрийн улс орон руу аялаад ирсэн хүмүүсийн юу үзэж харсан, ямаршуу сэтгэгдэл төрсөн гэх мэт сэтгэгдлийг нь бусад хүмүүст таниулах, танилцуулах маягийн уулзалтуудыг зохион байгуулдаггаас гадна өөр бусад арга хэмжээ зохион байгуулдаг юм билээ.

Дэлгэрэнгүй...

vendredi 21 mai 2010

Монголын сайхан орон

Ийм л гайхалтай эх оронтой билээ бид


Дэлгэрэнгүй...

jeudi 20 mai 2010

Монгол ухаанд нэмэрлэх үгс

Арслан мэт ноёдыг барс мэт түшмэл дагах, барс мэт ноёдыг ирвэс мэт түшмэл дагах, ирвэс мэт ноёдыг чоно мэт түшмэд дагах, чоно мэт ноёдыг үнэг мэт түшмэл дагах.
Оюунтүлхүүр

Тэнэг хүн дутагдлаа зөв болгох гэж ажилладаг бол, цэцэн хүн дутагдлаа засах гэж ажилладаг.
Л.Түдэв

Хэдийгээр ичимхий зангаас тэнэг байдал бишгүй гардаг ч тэнэгүүд хэзээ ч ичдэггүй юм байна.
Үнэн үг

Ер нь өнгөрснөө ихээхэн дурсдаг хүн залхуучуудын эгнээнд хамаарагддаг.
Д.Баяндалай

Хоёр сэтгэлт эрийг эр бус, эм гэлтэй
Нэгэн сэтгэлт эрийг эр бус эрдэнэ гэлтэй
Алтан товч

Эрдэм номыг сур ах дүү нар минь
Эрх биш нэгийг оролдоод эхэл
Эхэлсэн тэр нэг зүйлээ
Эцэст нь хүртэл оролдоод үз.
Д.Нацагдорж

Монгол гэдэг нэр бидний төрсөн заяа, амьдын гавьяа, бидний өмч, бидний хувь тавилан.
Ц.Мухар

Хараалыг инээмсэглэлээр хариулж, уужуу сэтгэлээр эмчилнэ.
Д.Баяндалай

Бодисын дотор хүний бие юутай гайхамшиг
Бодол мэргэн ухаан гүн, эрдэм төгөлдөр юутай сонин.
Хүний дотор баясгалантай бол юутай сайхан
Хүний дотор зовлонгүй бол юугай сайхан.
Д.Нацагдорж

Сайхан санаа гэдэг бусдын сайхан санааны үргэлжлэл байдаг.
Ц.Баатархүү

Ямар нэгэн ажлыг хийхэд ухаан дутна уу л гэхээс илүүднэ гэж огт үгүй.
Д.Баяндалай

Өвчин бага боловч үхлийн шалтгаан
Будаг бага боловч өнгө урвуулахын шалтгаан
Д.Равжаа

Хэрүүл шуугиантай орчноос буян заяа зугтдаг
Д.Цэдэнгухаа

Таны аз жаргал цэвэр ариун, уураг тархи гэгээн тунгалаг, ухамсарлах сэтгэл үнэнч шударга, бие махбодь эрүүл саруул болж төлөвшихөд номын өглөгч чанар оршино.
Д.Баяндалай

Бие нь хүрэлцэж хиртэнэ
Хэл нь сонсож бохирдоно,
Сэтгэл нь бодолхийлж гутна.
Д.Баяндалай

Дарга ажлаа удирдан залдаг бол удирдагч тэднийг дасгалжуулдаг.
Дарга эрх мэдэлд түшиглэдэг бол удирдагч сайн өсөлтөд тулгуурлана.
Дарга айдас төрүүлдэг бол удирдагч бүтээлч байдлыг урамшуулдаг.
Дарга би гэдэг бол удирдагч бид гэдэг.
Амьдралаас ургасан үг

Зөвхөн ухаантай эхнэрүүд л хэзээ, хаана, ямар үед, юу гэж хэлэхээ мэддэг.
Монгол үг

Ямар хүмүүжилтэй хүн байна тийм нөхөрлөл, ний гэмшлийн хэм хэмжээг тогтооно гэсэн үг юм.
Д.Баяндалай

Гадаад үгээр гангарагчид төрөлх хэлээ мөхөөнө
Гадна биеэрээ гангарагсад үр угсаагаа мөхөөнө.
Л.Түдэв

Ус хэдий тунгалаг боловч хөлдөхөөрөө мөс болдог
Ухаан хэдий сэргэлэн боловч уурлахаараа мунхаг болдог.
Д.Нацагдорж

Хүн эхээс мэндлэхдээ гараа атгаж төрдөг, энэ дэлхийг орхиж явахдаа гараа дэлгэж оддог.
Д.Баяндалай

Багш өнгөрснийг таньж, одоог мэдэрч, ирээдүйг таамаглах амьд төхөөрөмж юм.
Д.Баяндалай

Нөхөргүй бүсгүй цэцэг шиг хатна, эхнэргүй эр элс шиг нурна.
Б.Гэрэл

Зүүдэлж олбол үрэгддэг
Зүдэрч олбол үрждэг
Зүйр үг

Амьдрал бол боломж, түүнийг бүү алд.
Амьдрал бол гоо сайхан, түүнийг бишир.
Амьдрал бол мөрөөдөл, түүнийг биелүүл.
Амьдрал бол хайр, тиймээс хайрла.
Амьдрал бол зовлон, түүнийг даван туул.
Амьдрал бол оньсого, түүнийг таа.
Амьдрал бол амьдрал, түүнийг авар.
Амьдрал бол аз жаргал, түүнийг өөрөө бүтээ
Амьдралаас ургасан үг.

Эх сурвалж: Монгол ухаанд нэмэрлэх үгс… /цуврал-4/ номноос

Дэлгэрэнгүй...

mardi 18 mai 2010

Бидэнд хороолол байхгүй - Pas de quartier pour les inégalités


Энд ч зун болсон биш энд тэнд янз бүрийн баяр наадмууд өдөр шөнөгүй болж байна. 4-р сарын сүүлээр нэгэн баяр дээр очиж үзэв. Тэрхүү баярыг гадаад оюутан болон 10 жилээ төгссөн ямар мэргэжлээ сонгохоо мэдэхгүй байгаа зэрэг залууст туслах тал дээр анхааран ажилдаг нэгэн нийгэмлэг хийсэн ажлаа тайлагнан мөн шинээр хүмүүст ажлаа танилцуулдаг ажээ. Надад бол түүн дээр тэнд тоглосон нэгэн хамтлаг сонин имижтэй байсан. Хамгийн сонин нь тэр жижиг улаан машиндаа бүгд суугаад, хөгжим зэмсгээ бүгдийг ачаад л явж одсон доо.
Нийгэмлэгийн тухай дэлгэрэнгүй: http://toulouse.afev.org, fetedessolidarites.org




Дэлгэрэнгүй...

samedi 15 mai 2010

Дэлхийн хүүхдийн кино

Ийм нэгэн бичлэг зарим нэг блогууд дээр тавигдсан байсныг та бүхэн харсан буйзаа. Харж амжаагүй бол одоо харчих. Энэ нь удахгүй нээлтээ хийх киноны танилцуулга юм. Дэлхийн ихэнх улс орны хүүхдүүдийн тухай хийсэн анхны томоохон хэмжээний кино ажээ. Монгол хүүхэд ч үүнд багтсан нь хамгийн гайхалтай, мөн содон харагдана. Санхүүжилтийг нь Франц улс, кино зураг авалтийг нь АНУ хариусан хийсэн байна. 06.16 -нд энэ киноны нээлт болох юм байна. Энэ киног үзээд та бүхэндээ өөрийн сэтгэгдлээ хуваалцах болно. Монголд ч гэсэн удахгүй нээлтээ хийнэ гэдэгт итгэлтэй байна.


Дэлгэрэнгүй...

dimanche 9 mai 2010

Calligraphie occidentale буюу Өрнийн уран бичлэг

Уран бичлэг сонирхон хичээж буйн хувьд та бүхэндээ энэ удаа өрнийн уран бичлэгийн тухай нэгэн бичлэгийг хүргэж байна. Энэхүү бичлэг нь миний амьдарч буй хотын уран бичлэгтнүүдийн жил бүрийн зун зохион байгуулдаг уулзат үзэсгэлэн дээр олонд танилцуулан хийж буй бичлэг болно.
Бичлэг дээрх ярилцлага өгч буй эмэгтэйг Китте Сабатер гэдэг бөгөөд өрнийн уран бичлэгийн багш ба би нэг удаа урлан дээр нь очиж байсан. Тэдний ойлголтоор calligraphie гэдэг нь гоё сайхан бичлэгийн урлаг юм. Саяхан блог дээрээс нь харсан нэг үзэгэслэн нээгдсэн тухай мэдээлэл байсан. Удахгүй очиж үзэх бодолтой байгаа. Та бүхэн сонирхвол түүний блог хаяг: http://atelier.zeblog.com
Түүнээс гадна гудманд шал болон ханан дээр бичсэн элдвийн уран бичлэг ба графикийн тухай, мөн өрнийн уран бичлэгийн үүсэл гарал зэргийн талаар мөн дурдаж байна.
Төгсгөл хэсэг хүртэл нь заавал үзээрэй.


Дэлгэрэнгүй...

jeudi 6 mai 2010

Анх удаа л бугыг ойроос харав







Саяхан 4-р сарын сүүлээр хэсэг найзын хамт хотоос гарч салхилваа. Цаг гаран явсны эцэст нэгэн жижиг жуулчны бааз дээр ирэв. Хажуудаа гоёхон гэгч нь нууртай юм. Нуурандаа нугас гэгч шувуу нь жумбаал байж байхын. Амралтын өдөр байсан болохоор хүмүүс их байлаа. Нэг газар хүмүүс, бага насны хүүхдүүд цугларсан байлаа. Харсан чинь цаана нь нэг амьтан байна. Нэг биш нилээд хэд юм. Сонирхоод яваад очилоо. Тэгсэн нилээд хэдэн залуу насны буга байна. Хүмүүс талхны үүрмэг өгөөд түүнийг нь хэнэг ч үгүй гараас нь аваад л идэх юм. Минй хувьд анх удаа л ойроос тийнхүү буга харж буй нь тэр бөлгөө. Их л дөлгөөн томоотой амьтан шиг санагдав.

Дэлгэрэнгүй...

Нэгэн үзэсгэлэн











Энд янз бүрийн үзэсгэлэнгүүд цаг наргүй хаа сайгүй гарах юм. Бүгд л тухайн хүний уран бүтээл, урлаг, гоо сайхны мэдрэмж энээ тэрээг илтгэсэн байх шиг харагддаг. Би гарч буй үзэсгэлэнгүүдийг болж өгвөл орхигдуулахгүйгээр үзчих санаатай. Гэхдээ барагдахгүй юм билээ. Сүүлдээ харж байгаад илүү сонирхолтой, үзүүштэй байж магадгүй гэсэн үзэсгэлэнгээ очиж үздэг болсон.
Энэ удаад нэгэн зургийн үзэсгэлэн үзсэн тухайгаа товчхон сийрүүлсүү.
Өнгөрсөн 04-р сарын эхээр үзэсгэлэнгийн зарыг нь харсан бөгөөд очиж чадахгүй байсаар байгаад дуусахаас нь 2 хоногийн өмнө очиж үзсэн юм. Хоёр зураачын хамтын үзэсгэлэн ажээ. Надад бол их л дажгүй санагдсан. Ямар материал яаж хэрхэн ашигласан тухай нь бол би мэдэхгүй юм билээ. Ер нь мэдэхэд илүүдэхгүй гэж бодогддсон шүү. Үзэсгэлэнг танилцуулсан нөхөр нь надад 2 өдрийн дараа буюу үзэсгэлэн хаагдах өдөр зураачид нь ирнэ, мөн бусад хүмүүс ирж сонирхолтой лекц уншина, боломжтой бол ирээрэй гэлээ.
Би ч сонирхоод тухайн өдөр нь бага зэрэг хоцроод очив. Нилээд их хүмүүс ирсэн байв. Нэг хүн лав яриад дуусч байгаа бололтой. Надад үзэсгэлэн танилцуулаад байсан нөхөр зохион байгуулаад байгаа бололтой нэг хүн танилцуулаад л тэр нь нилээд хэдэн хуудас бүхий цаас гаргаж ирээд л ярьж эхэллээ шүү. Нэг номын талаар ярив. Ховор ном энэ тэр ч гэх шиг, тэгсэн мөртлөө захиалж болно шүү ч гэх шиг, нилээд уншиж байснаа би ер нь бол унших дургүй ч гэх шиг. Тэгсэн атлаа уншаад ч байх шиг. Нэг сонин дундад зууны хийц маягийн царайтай, цэцэг ногоо болсон малгайтай нэгэн.
Бараг л цаг гаран уншлаа. Би ч дуулгавартай сонсож ойлгохыг хичээсэн ч сүүлдээ бүр дуусгахын түүс болсон. Дараагын лекц нь сонирхолтой юм шиг санагдсан ч цаг орой болсон тул би гаран одвоооо.
Цаашдаа өөрийн үзсэн үзэсгэлэнгүүдийн талаар сонирхуулж байх болно.

Дэлгэрэнгүй...