“1912 – 1913 оны Монгол орон” гэрэл зургийн үзэсгэлэн

Энэ өдөр буюу 2011 оны 11-р сарын 29- ны өдөр Франц улсын Парис хотын зэргэлдээх Hauts-de-Seine хотод орших Альберт каны музейд “1912 – 1913 оны Монгол орон” нэртэй гэрэл зургийн үзэсгэлэн нээлтээ хийлээ.

500м кд талбай бүхий үзэсгэлэнгийн танхимд 72 өнгөт болон хар зураг “засвар хийгдээгүй”, 2 кино, 11 археологийн эд өлөг, олдворууд, 32 сэргээн засварласан болон, хуулбарлан буулгасан Монгол соёлын өв бүхий архивийн гэрэл зургууд дэлгэгдэн тавигджээ.

Тус гэрэл зургууд Stéphane Passet гэдэг зурагчний дарсан гэрэл зургууд юм. Тэрээр 1912 онд Хятад, Өвөр монголд ирж байсан ч, ар Монгол руу орох бололцоо олдоогүй байна.


Тиймээс 13 оны 6-р сард ар монголд ирж тухайн үеийн нийслэл өргөөнд голчлон зураг авалтаа хийжээ. Энэ нь Альберт каны санхүүжилтээр гадны улс орнууд руу судалгааны анги бүхий хүмүүсийг илгээн гэрэл зураг, түүхэн баримт цуглуулдаг түүний томилгооны хүмүүс байжээ.


Тус үзэсгэлэнд дэлгэн тавигдсан дээрхи гэрэл зургууд нь тухайн үеийн Монголын ахуй амьдрал, нийгмийн байдал, зан заншлийн талаар буулган үлдээсэн бас нэгэн үнэт сурвалж, чухаг дурсгал юм.


11 археологийн эд өлөг зүйлс нь Монгол-Францын хамтарсан Архангай аймгийн Хайрхан сумын нутаг, Гол мод хэмээх Хүннүгийн язгууртны булш оршуулга бүхий газраас илрүүлэн олсон олвор, эд зүйлс болно.


Сонин гайхам байгаа гэдэгт итгэлтэй байна дээрхи гэрэл зургууд. 20-р зууны эхэн үеийн монгол орон ...

Үзэсгэлэнгийн зорилго: 20-р зууны эхэн үеийн Монгол орон, гадаад дотоод бодлого, нийслэл өргөө, Өвөр ба ар Монголын холбоо харилцаа, шашин шүтлэг, нүүдэлчдийн амьдрал, уламжлалт орон гэр, дээл хувцас зэргийг олон нийтэд хүргэх, эдүгээ ч гэсэн Монгол түмэн энэхүү заншлаа хадгалан үлдсэн гайхамшигт ард түмэн болох.


Тус үзэсгэлэн 2013 оны 09-р 16- ны өдрийг хүртэл олон нийтэд нээлтэй байх юм байна.

Өнгөрсөн сарын 24-ны өдөр Монгол улсын БСШУЯ-ны сайд Ё.Отгонбаяр Айлчиллаар явж байхдаа тус музейгээр орж, үзэсгэлэнгийн талаар сайшаагаад сэтгэл ханамжтай байгаагаа илэрхийлжээ.


Эцэст нь Би гэдэг хүн тус музейд очиж үзэж байсан. Альберт каны нь 20-р зууны эхэн үеийн Францын язгууртан гаралтай, хөрөнгөтэй нэгэн байжээ. Тиймдээ ч ийнхүү олон судалгааны ангиудыг гадны улс орнууд руу илгээдэг байжээ.
Түүний музейд: тухайн үед "20-р зууны эхэн үе" зураг авч байсан фото апрат, бусад хэрэгслүүд нь үзмэрт нь байдаг юм билээ. Мөн дээрхи зургуудийг боловсруулаад “зохигчийн эрхийг хатуу дурдсан” зарж байсан. Би нэг Эрдэнэ зуу хийдийн өмнө морин дээрээ ташуу сандайлсан нэгэн язгууртан хүний зургыг авч байсан санагдана.
Үнэхээр монголын талаархи сайхан үзэсгэлэн гарч байна. Ойрхон байдаг та бүхнийг хүрэлцэн үзэхийг уриалж байнаааааааааа.

Доорхи PDF танилцуулгаас музейн байрлал, нээх хаах цаг, үнэ, очих нийтийн тээвэр, үзэсгэлнгийн үеэр зохиогдох арга хэмжээ зэрэг илүү дэлгэрэнгүй мэдээллийг авч болно.


Мэдээллийн эх сурвалж: http://albert-kahn.hauts-de-seine.net
http://www.tourisme92.com
фото зураг: facebook - Дэлхийн монголчууд
Дэлгэрэнгүй...

"Хязгааргүй мөрөөдөл" үзэсгэлэн

Сайн байцгаана уу,

Содон монголдоо хэсэг хугацаанд салхи оруулаагүй байна. Бага сага ажилтай, завгүй байлаа. Өмнө бичлэгт амалснаа түр хойш нь тавиад удахгүй болох гэж үзэсгэлэнгийнхээ талаар товч мэдээлэл оруулж байна.

ирэх 11-р сарын 04-өөс 12-р сарын 2-ыг дуустал "Хязгааргүй мөрөөдөл" нэртэй уран бичлэгийн үзэсгэлэнгээ тулуз хотын франц хэлний соёлын төвд нэг сарын хугацаатай гаргах гэж байна. Баггүй цаг заваа зарцуулсны дүнд ажил нилээд эмхэрч байна.

Та хэрэв ойрхон байдаг бол ирж үзээрэй. 11-р сарын 9-ны 18:30-д үзэсгэлэнгийн нээлттэй. Хол байгаад нь дараа хэрхэн болж өнгөрсөн талаараа мэдээлэл оруулах болно. Үзэсгэлэнг бидний "Содон монгол" холбооноос зохион байгуулж буй болно.



Байршил, нээх хаах цаг болон бусад дэлгэрэнгүй мэдээлийг энд дарж үзнэ үү.

Үзэсгэлэнгийн нэг хэсэг маань эх орноо танилцуулсан хэсэг багтаж буй болно.
Мэдээлэл дэлгэрүүлэх, сонирхсон зүйлээ доор сэтгэгдэл дээр үлдээхээс гадна майл хаягаар санал бодлоо хуваалцаарай.
удахгүй шинэ мэдээлэллтэй дахин уулзацгаая.
Дэлгэрэнгүй...

Калиграфийн 7 хоног

Өмнө өгүүлж байсан кали танил маань энэ удаагийн үзэсгэлэнгийнхээ нээлтэд оролцох урилгыг мөн явуулжээ. Ирэх сарын 5 ба 6-нд 2 өөр хотод "миний амьдардаг хотын зэргэлдээ" калиграфийн томоохон үзэсгэлэн нээгдэх юм байна.

Соломей хотод байдаг калиграфчдийн клубийн нэгдсэн үзэсгэнлэн ба үзэсгэлэнгийн үеэр тэдэнтэй уулзалдах, тэдний бүтээлээс худалдан авах, тэд мөн уран бичлэгийн үзүүлбэр үзүүлэх, элсэлт бүртгэлийн ажил хийгдэх юм байна.




"Зөгнөлт уран бичлэг" нэртэй үзэсгэлэн нь Анна Сакрамонтайгын бие даасан хамгийн сүүлийн уран битээлүүд нь тавигдаж байгаа юм байна. Тус үзэсгэлэн Тогнафое хотын пахин дүүргийн соёлын төвд нээгдэх юм байна.

Дээрхи үзэсгэлэнгүүдийг үзээд хэрхэн болж өнгөрсөн талаар өгүүлэх болно.
өө тийн, өнгөрсөн долоо хоногт Испаний Барслонь хот руу 3 хоног аялаад ирлээ. үнэхээр үзэж харах зүйлс ихтэй, жинхэнэ шоу цэнгээн бол миний өгөөш гэдэг газар байна.
тухтай удахгүй оруулнаа. за түр баяртай
Дэлгэрэнгүй...

Зураг бүхэн түүх өгүүлнэ

За дээрхи зураг жоохон хөгжилтэй түүхтэй зураг юмаа. Хархад бол зүгээр л дараалалд зогсож буй хүмүүсийн зураг.

Тайлбал хийвээс:
Өнгөрсөн 5-р сард "Шөнийн музейн" үеэр үзэж явсаар оройтож "Байгалын музей" дээр очиход ийм дараалалтай байлаа ш дээ. Хараад удахгүй хаалгаа барина. За орж чадахгүй юм байна даа гэсэн бодол төрж дарааллын хойшоо алхаж байхдаа дарсан зураг. Хойно очоод хэсэг зогслоо, хүлээвэл орж чадахгүй нь тодорхой. Дараалал үүссэн шалтгаан нь музей дотор байгаа хүний тоо нь зохих хэмжээнээсээ хэтэрсэн ажээ. Тиймээс гарсан хүмүүсийн зөрөөгөөр хүмүүс оруулж байгаа аж. Надаас хойно ч хүмүүс ирж миний ард дараалыг уртасгана. Орно гэж бодож л байгаа юм байхдаа..., эртхэн харж унтвал яасын вэ дээ л гэж хэлмээр байлаа. Зогсоод байдал дээрдэхгүй тул жоохон ургашллаа. Хүмүүс хараад л ... бага багаар ургашилаар гардаг хаалганы харалдаа хүрэв. Гардаг гэсний учир музей рүү орох болон гарах хаалга нь тусдаа нэг тийшээ харсан зэрэгцээ оршдог юм. Гэхдээ хоорондоо жоохон зайтай. Орох хаалган дээр нь зогссон хамгаалагчид гардаг хаалга руу байн байн харсаар... учир нь орох гэж буй хүмүүсийн зам урдуур нь хөндөлсдөг учир. Мэдээж соёлт гарууд түүгээр орно гэж юу байх вэ. Тэрхэн үед баруун зүүн тархинд тэрхүү санаа зэрэг буун ирэв. Мэдээж хамгаалагчдыг аргалчих юм бол орж болох арга түүнээс өөр байхгүй нь ойлгомжтой. Оройтож ирсэн ч гэсэн үзэх гэж зорсон гаднаас үзэх үзмэрээ үзэж чадахгүй бол хамрасалтай.

Тэгээд л боломжийг хүлээн жагсаалд ойртон орж зогсов. Хүмүүс хажуугаас түлэх нээ. Арга ч үгүй биз дээ. Зөндөөн удаан хүлээж байхад нь нэг ази нөхөр ирээд хойноос ургашилсаар ирэээд зогсчихлоор.
Гардаг хаалга гаднаасаа онгойдоггүй бөгөөд дотроос хүмүүс наашлан гарах үед автаматаар онгойдог тул хаалга болон хамгаалагчдыг харуулдан зогсоно.
Удалгүй хэсэг хүмүүс гархаар наашлаж явна шүү. Үүнийг л ашиглан орох хэрэгтэй гэсэн бодол дотроос намайг шарна. Гарах хүмүүс ч төхөж хаалга онгойн эхнээсээ гарч эхлэв. харин би нуруугаараа тэр хэд рүү төхөж, хараа чигээрээ хамгаалагчид руу харсаар орсон юм даа хаха "бага байхад энэ үйлдлийг нэг кино дээрээс харж байсан даа, усан хөлөг дээр болдог доо. та нараас үзсэн хүн байгаа байхаа, ямар киноог санадгүй". тэнд байсан хүмүүс харин ёстой хачин болсон доо. Ороод болоогүй намайг хараад алмайрч үлдсэн нөхдүүд рүү энгэж ордог байхгүй юу гэсэн шиг гараараа даллачхаад л цаашаа явсан даа. Үнэхээр ч дотор хөл гишгэх зайгүй шахам байлаа. олон хүний уур амьсгал халуу оргино.

Үзэх гэж дурлаад байсан шилэн ханын дотор буй үзмэрүүдийг дотроос нь гэрэл асааж гадна талаас нь тайлбарлан үзүүлэх явдал. Яваад гаргаж буй хаалган дээр нь очтол бас л баахан хүмүүс. бас ургашллаа. Зарим нь аль эртнээс хүлээсээр орж чадахгүй л байгаа бололтой хамгаалагчтай амь зөрөлдөх нь харагдана. хамгаалагч ажлаа хийж байнаа л гэж ам таглана. би ургашлсаар л. нилээд зогслоо. нилээд ам хэл болсоны дараа нэг бүлэг хүмүүсийг оруулах болж, түүнд чихэлдэн орж амжив. гараад арай амсгаа авахтай болж байтал тайлбарлагч залуу та нар их азтай байна. та нараас хойш ямар ч хүн гаргахгүй. бидний тайлбарлах цаг аль хэдийн дууссан бөгөөд хамгийн сүүлийн үзэх групп нь та бүхэн болж байна гэлээ. тэнд байгаа нөхдүүдийн баярлаж байгаа гэж. би ч бас өөрийгөө азтай байгаадаа баярлах шиг.

доорхи бичлэг бол тухайн үед хийсэн бичлэг болно, жоохон муу л хийгдсэн шиг. намайг цагаа хархад шөнийн 01.00 аль хэдийн болсон байсан шүү.

nuit des musées par Gunba
Дэлгэрэнгүй...

Франц хэл эхлэн суралцагч нарт

Франц хэл эхлэн суралцагч нарт энэхүү "Венн бол дэлхийн аварга" хэмээх дугуйн спортын талаар өгүүлэх хялбар “унших бичиг”-ийг хүргэж байна. Хүүхдэд зориулагдсан өнгө өнгийн үйл явдлыг нь харуулсан зурагтай "хаха" энгийн үг хэллэгтэй, сонирхолтой ном шиг санагдлаа.
Мөн европын холбооны улсуудын зарим сонирхолтой хэвлэл, ном сурах бичгүүд, мэдээлэл, банк санхүү мэдээ, баримт, тайлан, улс төр, урлаг соёл, спорт, шинжлэх ухаан за тэгээд бүхий л төрөл стиллийн хэрэгтэй мэдээллээ олж авч болохоор сайт шиг санагдалаа. Бүх мэдээллүүд нь электрон хэлбэрээр учир татаж аваад тааваараа үзэж болохоор юм байна шүү. Веннийг ч би бас эндээс татаж хүргэж байна. Дэлгэрэнгүй дээр дарж сайт руу орно уу.

http://bookshop.europa.eu
мөн доорхи линкээр орж онлайнаар сурах боломжтой. 
http://mglfr.blogspot.fr/2012/01/blog-post.html Амжилт ...
Дэлгэрэнгүй...

Далай багш ирээд буцлаа

Монгол яваад сураггүй болоод ирсэн би гэдэг хүнийг Тулуз хотноо хөл тавихад 14-р гэгээн Далай лам нийт иргэдэд сургаал номоо айлдахаар ирсэн байлаа. Яавхаасаа өмнө ирнэ гэсэн мэдээг сонсож байсан ч үзэж чадахгүй байх гэж байсан бол санаандгүй байгаад үзлээ. Эрийн сайндаа ч үзчихсэнгүй. Найзууд маань билетийг нь авсан байлаа. Тэд нартаа дахин талархий...
Доорхи бичэлгийг нууцаар хийсэн санаатай. Дотор зураг авах болон ведио бичлэг хийх хориотой байв. Эргэн тойрон маш олон хамлаалагчид байсан тул жоохон муухан л хийсэн байх.
Маш олон хүмүүс байлаа. нийт 3 өдрийн турш 7000 гаран хүн очиж сургаалыг нь сонссон байна. Тэрээр айлдвараа ангилаар уншиж франц орчуулга хажууд нь хийгдэж байв.
Түүний хэлсэн хамгийн чухал сургаал нь “мөнгө бол баялагын нэг хэсэг, гэхдээ баялагт хүрэх зам бол мөнгө биш” гэж захилаа даа манаахаааан. Мөн тэрээр сургаалынхаа дундуур өөрийн амьдарлын бага, залуу насны талаархи хөгжилтэй явдал зэргийг ярьж хүмүүсийг баясгаж байв. Тэр нь хүртэл цаанаа маш том сургаал яваад байх шиг байсан шүү. Хэмжээ хэмжээгээрээ ойлгоно биз дээ хэхэ. За тэгээд бүгдэд нь далай багшийн энергийг дамжуулж байна. Чадхаараа уутлаад аваарай.

Dalai Lama. Toulouse 2011. 5 par Gunba
Одоо тэгээд ажил үйлс, амьдрал гэдэг тань буцлаад тал нутаг шигээ тэнүүн уужим, бүтэмжтэй болдог юм байгаа биз дээ. Та бүхэнд аз жаргал эрүүл энх, баясал бүхний дээдийг хүсий. Ум сайн амгалан болтугай.
Бусад ганц нэг бичлэгийг энд дарж үзнэ үү.
Зохион байгуулагчдын талаархи дэлгэрэнгүй мэдээллийг – www.dalailama-toulouse2011.fr
Дэлгэрэнгүй...

Монголын төлөөх зүрх бүхэнд

Дэлгэрэнгүй...