Үзэсгэлэн

Тулуз хотноо бие даасан хоёр дахь калиграфийн үзэсгэлэн маань гарлаа.
Нээлт энэ Баасан гаригт 18 цагт.
Та бүхнийг хүрэлцэн ирэхийг руж байна.
Дэлгэрэнгүй: http://guncalli.blogspot.fr

Дэлгэрэнгүй...

Өөрийгөө өөрчлөх

Ямар хүн өөрийгөө өөрчлөхийг хүсдэг юм вэ?, хүн бүр өөрийгөө өөрчлөх хэрэгтэй юу?, хүн бүр энэ талаар боддог юм болов уу? юу гэж боддог юм бол? өөрийгөө өөрчлөхөд юу танд хэрэгтэй, бас юу саад болдог? гэх мэт олон асуултууд урган гарах мэт.

Өөрийгөө өөрчилсөн хүмүүс ямар байдаг вэ? маш олон тохиолдолд хүн өөрийгөө хянах, удирдах, харилцах,бодох, эргэцүүлэх шаардлагууд бий болдог. дээрхүүдийн үрд дүнд биднээс зөв болон буруу үйлдэл, шийдвэрүүд гарч байдаг.

Бид дотор болон гадны хүнийхээ давуу, сул талуудыг гаргаахгүй сайн мэддэг байх ёстой юм шиг. Үүнийгээ мэдвэл чамд өөрлөлт хэрэгтэй, эс хэрэгтэйг мэдэх юм шиг.
БИ өөрийгөө өөрчлөх алхамыг энэ өдрөөс эхэллээ.

Харин та, та өөрийгөө өөрчлөхийг хүсдэг үү? та өөрийгөө өөрчлөж чадсан уу, эсвэл шаардлаггүй юу ?
Дэлгэрэнгүй...

Миний эргэн тойронд

Энэ өдрийн мэндийг хүргэе! Содон блогоороо саяхан орлоо, өнгөрсөн жилийн 4-р сард оруулсан мэдээнээс хойш өөрийн холбогдол бүхий мэдээлэл ороогүй байх юм. Ингээд өнгөрсөн хугацаанд өөрийн эргэн тойронд болж өнгөрсөн үйл явдлын товчооноо та бүхэндээ хуваалцахаар суулаа “МБ: ганц нэг блогуудад маань зарим зүйлс цаг хугцаандаа тавигдаж байсан. Хэрэв та зочилдог бол мэдэж буй за”.

Өнгөрсөн жил Парис хотын даллагтай байсан юм шиг л өнгөрлөө. Монголын долоо хоног арга хэмжээний дараа Парис хотын зэргэлдээ хотноо ажиллалаа. Тус үйл ажиллагааны хүрээнд Монголоос С.Дулам багш тэргүүтэй эрдэмтэй судлаачид ирсэн бол Франц, Герман, Унгар, Хятад, Япон зэрэг улс орнуудын Монгол судлаачид оролцож сонирхолтой илтгэлүүд тавьж, Монгол-Францын хамтарсан судлаачид судалгааны явц, нээлтийн талаар танилцуулж, Монгол бүжиг, хөөмийн хичээлүүд, Монгол урлагын тоглолтууд, уран зураг, уран бичлэг, гэр зургийн үзэсгэлэн, Монгол хоолны сурлалт-амталгаа, Франц дахь Монгол холбоод, кино үзвэр, монгол тоглоом, монгол номын худалдаа ..., Монголоор амьсгалсан долоо хоног болж өнгөрсөн.

Энэ далимд Парист үзээгүй, анзаарай бүхнээ барал дуусгах төхсөн дөө. Хамгийн түрүүнд дээр дурдсан Гэрэл зургийн үзэсгэлэнгээ очиж үзлээ.

Үзэсгэлэнгийн үеэр Монголын талаархи олон арга хэмжээ зохион байгуулсаас гадна, Монголын Долоо хоног хүрээнд ирсэн монголчууд маань тус үзэсгэлэнг үзээд сэтгэл хангалуун байлаа.

20-р зууны эхэн үеийн Монгол орон ...

Mission de Stéphane Passet en Mongolie, en 1912. 1 par Gunba 
 Музей, томоохон галерей, хамгийн том дуурийн тетар, урлагын их сургууль, үндэсний номын сан гэх мэт гэгээлэг, фестиваль шоу цэнгээн жуулчид үл тасрах өнгөлөг, газар доорхи парисийн оршуулга, хотын захын хууль үл үйлчлэх харуудын хорооллоор ч зорчилоо. Дээрхи бүгдийг нэгтгээд “Парисийн зун” сэдвээр дараа мэдээлэл бэлтгэн оруулий гэж энэ мөчид бодогдов. Та бүхэн хүсвэл, хэхэ. 
Парист хотын ази судлалын Сернуш музей.

Парисийн гудам
soirée Paris par Gunba

Хүүхэд насанд хүргэж өгдөг галт тэрэг хэрвээ байдаг бол:

Өглөөний Парис

Энэтхэг, төвдийн их баярт оролцов. Төвд урлаач лам нар мандалааг 3 хоног хийж дуусгав.

Construction du Mandala. par Gunba 

11-р сард Түрк улсийн Истанбул хот руу 7 хоног яваад ирсэн. Хотын байршил, Амьдарлын хэв маяг, эр, эм хүмүүсийн ялгаа, шүтлэг зэрэг олон зүйлс нь нүдэнд их сонирхолтой туссан. Тэгээд нүд хужирлах, үзэх юм цөөнгүй, жуулчид ихтэй сайхан л хот байлээ. Очисон жуулчин бүр л энэ захаар ордог гэсэн. Наран туулийн зах юм даа.

Жишээ нь: Истанбул хот хар далайгаар хоёр хэсэгт хуваагдсан бол хоёр эргийн хооронд том усан онгоц тодорхой хугацааны давтамжтай явдаг нийтийн тээвэр юмаа. Анх удаа хоёр эргийн хооронд 10 мин зайтай хүн тээврийн хөлөг онгоц харсан надад үнэхээр сонин байлаа. 

Түрк үндэстэн хоолоороо алдартай ард түмэн. Бүхэн бүтэн хоол амтлагч бүтээгдэхүүний зах байна гээд бодий. тэгвэл тэр нь энд байнаааааааааааааааа,

Хотын гадна баруунтай нилээд өндөр, өргөн, үргэлжилсэн хэрмэн хана байсан, түүний барих болсон шалтгаан: нөхөр Атилла баруун зүгээс ирж Түркийн ард түмнийг айлгаад байсан тул барисан байх юм. За энгээд бичээд байвал бичээд байх бололтой Түрк явсан талаар удахгүй хэхэ зураг хөрөгтэй мэдээлэл бэлтгэн оруулахыг хичээнэ. 

Парис хотноо Монгол-Франц уран бүтээлчдын хамтарсан үзэсгэлэн болов. Тус үзэсгэлэнд 3 гэрэл зурагчин, 1 зураач, миний бие оролцсон билээ. 

12-р сарын эхээр мөн Парис хотод зохион байгуулагдсан Парис хотын баярт оролцов. Энэхүү баяр нь жилд нэг удаа болдог бөгөөд өнгөрсөн жил Монгол улс урилгаар оролцсон. Монгол улсаас Франц улсад суугаа онц бөгөөд бүрэн эрхэт элчин сайд Ш.Алтангэрэл, ...

Монголоос цөөнгүй тооны бүрэлдэхүүнтэй хүмүүс оролцов. Франц дахь элчин сайдын яам зарим уулзалт, арга хэмжээг өөрийн элчин сайдын яаманд зохион байгуулав. Үндэсний урлагыг илтгэх дууч, хөгжимчин бүсгүйчүүд Монгол дуугаар ирсэн зочдын сонрыг мялаав. Сод Туяа тэргүүтэй үзэсгэлэнт монгол бүсгүйчүүл маань хурсан оны нүдийг хужилав. Энэ арга хэмжээнд оролцох завшаан олгосон хүмүүстээ мөн баярлалаа гэж энэ дашрамд. Удахгүй эхэлнэ ...
Préparation soirée par Gunba 
За тэгээд тэндээсээ шууд эх орны зүг хөөрсөн дөө. Монголын маань замын түгжээ, утаа хоёр яг хэвээрээ байх шиг санагдсан. Уушгаа амраах гэж хотоос гарч хөдөөг хэд хоног зорив.

Жинхэнэ амар тайванг хөдөө талаасаа. Манаахан шиг баяр наадамд цаг нар, мөнгөө харамгүй зардаг Он солигдох баярын үе байсан тул гэр бүл, найз нөхөд, ажил албаны хүмүүстэй найрлан шинэ он гарлаа.

Хорооллын гудам

Жүрүүрийн эрэлт нийлүүлэлт

Харин Монголчууд шинэ оны эхний нар гархыг очиж их үздэг болсон байна. Тэгсэн маш том арга хэмжээ болдог юм байна. Хотын захиргаанаас уламжлал болгон зохион байгуулаад 10-аад жилийн нүүрийг үзэж байгаа аж, тэнгэр язгуурт бөө, удгууд зан үйлээ үйлдэж, урлагын тоглолт болдог юм билээ. Бичлэг хийгээд зогсож байсан чинь камерт нэг танил царай ороод ирдийн тэгсэн 10 жил хамт төгссөн ангийн хоёр анд маань явж таардийн хэхэ сонин шүү.

Уб-ийн зам ба утаа

шөнийн 01 цаг. гадаа -38 хэмийн хүйтэн. Эх нутгийн хүйтэн мөртлөө дулаан өвөл

Амралт, ажил, гэр бүл хамаатан ах дүүс, анд найзууд нэг л мэдэхэд буцах боллоо. Зарим хамаатан, садан, найзууд, уулзах ёстой хүмүүстэйгээ уулзаж амжаагүй, тэр хүмүүссэээ дахин дахин уучлал хүсий. Зарим нь бүр намайг эрснийг ч мэдээгүй байсан. Буцаж ирсэн хойно баахан мессеж хүлээн авсан. Ямар шуу мессеж хүлээн авсаныг та бүхэн гадарлаж байгаа биз дээ. 

Өвлйн улирал, цанын бааз бултараа. Манаахан бэлэн болжээ.

Үнэхээр сайхан байгаль шүү.

Цагаан сараар эндэх монголчууд, найзуудтайгаа битүүрч шинэлэв.

Дулаараад л ийшээ тийшээ явдаг ажил маань эхлэв. Жерс мужийн Лектур хэмээх жижиг хотод 15-16р зууны үеийн харуулын цамхаг дээр ажиллав. Дундад зууны үед тус хот нь мэдээж одоогийнхоосоо жижиг байсан ба хотын гадуур хамгаалалтын хэрмэн өндөрдөг ханатай байжээ. Тус хэрмэн хана 4 н буландаа том харуулын цамхагтай бөгөөд, хожим 20-р зууны эхээр баруун хойд булангийн харуулын цамхагийн гадуур дахин хэрэм цайз барьж давхарласан байна. Лектур хот дахь Жакобаны сүмийн орой.

Түүний одоогийн эзэмжигч нь түүхэн дурсгал бүхий Цонж дээр байшин барж хоёр хэрмэн ханны хоорондох элс шороог зайлуулж эхэлсэн байна. Гэтэл тэндээс нь эртний вааран сав суулгийн үлдэгдэл, бусад зүйлс илрэн олдсон тул мэргэжлийн байгуулагт хандаж, хүрэл болон Ромын үед холбогдох соёлт давхрагыг илрүүлснээр ахреологийн судалгаа явуулах болсон юм. Ийнхүү бидний хийх ажил нь хоёр хэрмийн хоорондох соёлт давхрагт малтлага судалгаа хийх, хэрмийн баримжуулат, зургийн ажил байв. Малтлагын явцад дотор талын дундад зууны үед холбогдох хэрмийн доор 5 р зууны үед хобогдох өөр чулуун хэрэм байгаа нь тогтоогдсон юм. Харуулын цамхаг гадна талаасаа "Хожим нэмж гадуур нь барьсан хэрэм"

Дээр үед Уриа гэх хоёр хүний бүрэлдэхүүнтэй франц хөгжийн хамтлагийн лого-г хийсэн хэхэ, тэгсэн нэг ийм клип хийгээд явуулсан байлаа. Тэд Монголын ардын урлаг, алтайн дууны чиглэлээр уран бүтээл туурвидаг юм билээ.  

Францын төв хэсэгт орших Корез мужийн нутагт Вантадоур хэмээх 15-16 зууны үеийн ордон дээр ажиллав. Далайн түвшнээс 500 орчим м –ийн өндөрт оршин энэхүү ордон нь гадуураа 4 – 5 хүртэл өндөр бүхий ханан хэрэмтэй, дотроо хэд хэдэн хэсгээс бүрдэл болсон цогцолбор дурсгал юм.

Бас л байгалын үзэсгэлэнт газар байлаа.

Гэрэл зураг сонирхдог болоод байгаад бөгөөд намайг дэмжиж ЛАЙК дарсан залуусдаа баярлалаа. 

5-р сард Тулуз хотноо жил бүр уламжлал болгон зохион байгуулагддаг олон улсын хэлний өдөрлөгтЯзгуур Монгол холбоо монгол соёл, хэл бичгээ суртачлан оролцов. 

Дуучин М тулуз хотод ирж тоглов. Миний сонсох дуртай дуучдийн нэг.

Merci M
Concert M. 3 par Gunba Парис хотын мангас  

Эх хэл бичгээ өөрийн хэмжээнд баг ч атугаа суртачлан таниулахдаа таатай байдаг билээ.

Хамгийн сүүлд Францын соёлын яам, археологийн авран хамгаалах судалгааны хүрээлэнгээс жил бүр зохион байгуулагдаг Археологийн үндэсний өдөрлөгт Монголын археологи “Тал нутгийн анхны эзэнт гүрэн - Хүннү” сэдвээр илтгэл тавилаа. 

Одоогоор бол Францын Өмнөд хэсэгт орших Касулэ нэртэй зоогоороо алдартай Касталнудари хотноо явна даа.

Дараагийн бичлэг хүртэл түр баяртай. Харин та сувгаа бүү солиорой.

Дэлгэрэнгүй...

Монгол тулгатны 100 эрхэм Ш.Чоймаа

Залхуурлыг халая Үнэхээр сайхан ярилцлага болсон байна. Та бүхэнд ...
Дэлгэрэнгүй...

Монголын долоо хоног Парис хотноо

2012 оны 5-р сарын 07 – 13 -ны хооронд “Монгол өв соёл ба уламжлал” нэртэй Монголын долоо хоногийн өдөрлөг Франц улсын нийслэл Парис хотноо зохион байгуулагдах гэж байна.

Тус өдөрлөгүүд үндсэн хоёр хэсгээс бүрдэнэ.
А. Олон улсын, Шинжлэх ухааны салбар хоорондын эрдэм шинжилгээний хурал
Б. Монголын урлаг, соёл нийгмийн нийгэмлэг, холбоодын нэгдсэн форум

А. Олон улсын, Шинжлэх ухааны салбар хоорондын эрдэм шинжилгээний хурал
Эрдэм шинжилгээний хурлын зорилго нь Монголын соёл, иргэншлийг дэмжин сурталчлах, ашгийн бус байгууллагуудыг хамарсан хэлэлцүүлэг, эрдэмтдийн хооронд тэр бүр үр өгөөжтэй харилцаа холбоо үүсгэдэггүй газарзүйн, институцийн, арга зүйн болон эрдэм шинжилгээний хуваагдлуудыг холбох гүүрийг бий болгох.

Тус “эрдэм шинжилгээний хурал”-д Монголын зарим их, дээд сургуулиудын эрдэмтэн багш, судлаачдаас гадна ОХУ-ын Буриад, Халимаг, АНУ, Япон, Герман зэрэг орноос Монгол судлалын судлаачид, Франц дахь Монгол судлал, Монголд судалгаа явуулдаг судлаачид өөрсдийн судалгааны талаархи сүүлийн үеийн шинэ мэдээ, мэдээллээ танилцуулах юм.

Хуралд оролцсон сэдвүүдэд дүгнэлт өгөх, цаашдын хамтын ажиллагаа, шинэ хандлагуудыг бий болгох үүднээс сэдэв тус бүрээр дугуй ширээний ярилцлага өрнүүлнэ.
Хурлын монгол хэл дээрхи хөтөлбөрийг доор оруулсан тул тэндээс хаана болох, хэдэн цагаас эхлэх, ямар судлаачид оролцох, ямар илтгэлүүд тавигдах зэрэг дэлгэрэнгүй мэдээллийг үзнэ үү.

Б. Монголын урлаг, соёл нийгмийн нийгэмлэг, холбоодын нэгдсэн форум
“Нийгэмлэг холбоодын форум” –д Монголын ба Францад үйл ажиллагаа явуудаг Монголын нийгэмлэг холбоод оролцож, өөрсдийн үйл ажиллагаа, цар хүрээний талаар танилцууллахаас гадна дугуй ширээний ярилцлага, хэлэлцүүлэг, халуун яриа өрнүүлэх ажээ.

Дээрхи гол үндсэн 2 хэсгээс гадна уран зураг, монгол уран бичлэг, фото зургийн үзэсгэлэн; баримтад болон уран сайхны кино, үндэсний дуу, хөөмий, ардын бүжгийн үзүүлбэр; хөөмий, ятга, морин хуур, ардын урлагын тоглолт , монгол хоолны амталгаа, номын худалдаа зэрэг үйл ажиллагаа тухайн өдөрлөгүүдэд нээлтэй байх юм байна.

Мөн өдөрлөгийн туршид монгол хоол, хөөмий, ардын бүжиг .... зэрэг сургалтууд явагдана.

Бидний Монгол соёлын “СОДОН МОНГОЛ” холбоо мөн энэхүү Монголын Долоо хоногийн өдөрлөгт Монголын Археологи, уламжлалт бичиг, соёлоо танилцуулж хамтран оролцож буй болно.

Ерөнхий зохион байгуулагч: ОТАЗИ Холбоо. “ОТАЗИ холбоо нь 2009 оны 09-р сарын 09-ны өдөр байгуулагдсан бөгөөд Төв ази, нэн ялангуяа Монголын соёлыг дэлхий нийтэд суртачлан таниулах зорилго бүхий ашгийн бус байгууллага болно”

Болох газар: Франц улс – Парис хот.
1. INALCO (Дорно дахины Хэл, Иргэншлийн _ндэсний Дээд Сургууль)
Хаяг: 75013 Парис
65, rue des Grands Moulins (Grands Moulins гудамж, 65 тоот)

LIEU
Hall de l'Université Paris VII
16 rue Marguerite Duras
75013 Paris

2. ENS (Багшийн Дээд Сургууль)
Хаяг: 75005 Парис
45, rue d’Ulm (Ulm гудамж, 45 тоот)

Бяцхан анхааруулга !!!: Дээрхи өдөрлөг INALCO дээр голчлон зохион байгуулагдах боловч зарим үзвэр, үйлчилгээ, тоглолт, хурлын болох газрын хаягууд зөрүүтэй тул дэлгэрэнгүйг ОТАЗИ холбооны сайтаас үзнэ үү.
Ирж буй хүн бүрийг Монгол гэр угтах юм байна шүү.

Монгол хэл дээрхи эрдэм шинжилгээний хурлын хөтөлбөр


Франц хэл дээрхи эрдэм шинжилгээний хурлын хөтөлбөр

Дэлгэрэнгүй...

Шинэ жилээр хүлээн авсан ил захидлууд

Өнгөрсөн жил иймэрхүү байсан бол энэ жил шинэ он гарсаар доорхи ил захидлуудийг хүлээн авлаа. товчхон танилцуулваас:


Энэхүү ил захидлыг танил калигравч нөхөр илгээжээ. тэрээр полш гаралтай бөгөөд сэтгэл судлаач мэргэжилтэй, сүүлийн хэдхэн жилийн дотор уран бичлэгт сэтгэл зүрхээ өгч, өдгөө мундаг уран бичлэгтэй болсон байх юм. саяхан уран бичлэгийн нэг ном бичээд дуусч байна гэсэн шүү.



Франц дахь ази судлалын гимей музейн захирлаас ирсэн мэндчилгээ.

Франц дахь музейн нэгдсэн холбоонд ажилладаг археологич танил залуугийн илээсэн карт. хамт ажиллаж байлаа.

Тулуз хот дахь Франц хэл, соёлын төвийн соёл, урлаг хариуцсан танил эмэгтэйгээс иржээ.

калигравч Анна

жил бүр Тулуз хотноо зохион байгуулагддаг "дэлхийн хэл, соёлын өдөрлөг" -ийн хамт олноос.

тулуз хот дахь монголоор бол хэвлэлийн хүрээлэн юм уу даа. жилийн бүрийн намар "номын томоохон өдөрлөгийн" зохион байгуулдаг юм.

Перине мужид байх "Дэлхийн уран бичлэгийн" музейн хамт олноос

монголд хамт ажиллаж байсан орос археологич Юури хэмээх залуугаас энэхүү бурханы дүслэл бүхий мэндчилгээ иржээ.

тулуз хот дахь Китти калигравч. өнгөрсөн 11-р сард томоохон үзэсгэлэнгээ гарсан билээ.

Перине мужийн шилэгдмэл уран бүтээлчдийн бүтээлийг нэгтгэн жилд нэг удаа томоохон үзэсгэлэн зохион байгуулдаг байгууллага.

энэ миний ажиллаж байсан археологийн судалгааны байгуулагаас иржээ. намайгаа бас мартаагүй л бололтой.

анхаарал хандуулсан та бүхэнд баярлалаа.
Дэлгэрэнгүй...

“1912 – 1913 оны Монгол орон” гэрэл зургийн үзэсгэлэн

Энэ өдөр буюу 2011 оны 11-р сарын 29- ны өдөр Франц улсын Парис хотын зэргэлдээх Hauts-de-Seine хотод орших Альберт каны музейд “1912 – 1913 оны Монгол орон” нэртэй гэрэл зургийн үзэсгэлэн нээлтээ хийлээ.

500м кд талбай бүхий үзэсгэлэнгийн танхимд 72 өнгөт болон хар зураг “засвар хийгдээгүй”, 2 кино, 11 археологийн эд өлөг, олдворууд, 32 сэргээн засварласан болон, хуулбарлан буулгасан Монгол соёлын өв бүхий архивийн гэрэл зургууд дэлгэгдэн тавигджээ.

Тус гэрэл зургууд Stéphane Passet гэдэг зурагчний дарсан гэрэл зургууд юм. Тэрээр 1912 онд Хятад, Өвөр монголд ирж байсан ч, ар Монгол руу орох бололцоо олдоогүй байна.


Тиймээс 13 оны 6-р сард ар монголд ирж тухайн үеийн нийслэл өргөөнд голчлон зураг авалтаа хийжээ. Энэ нь Альберт каны санхүүжилтээр гадны улс орнууд руу судалгааны анги бүхий хүмүүсийг илгээн гэрэл зураг, түүхэн баримт цуглуулдаг түүний томилгооны хүмүүс байжээ.


Тус үзэсгэлэнд дэлгэн тавигдсан дээрхи гэрэл зургууд нь тухайн үеийн Монголын ахуй амьдрал, нийгмийн байдал, зан заншлийн талаар буулган үлдээсэн бас нэгэн үнэт сурвалж, чухаг дурсгал юм.


11 археологийн эд өлөг зүйлс нь Монгол-Францын хамтарсан Архангай аймгийн Хайрхан сумын нутаг, Гол мод хэмээх Хүннүгийн язгууртны булш оршуулга бүхий газраас илрүүлэн олсон олвор, эд зүйлс болно.


Сонин гайхам байгаа гэдэгт итгэлтэй байна дээрхи гэрэл зургууд. 20-р зууны эхэн үеийн монгол орон ...

Үзэсгэлэнгийн зорилго: 20-р зууны эхэн үеийн Монгол орон, гадаад дотоод бодлого, нийслэл өргөө, Өвөр ба ар Монголын холбоо харилцаа, шашин шүтлэг, нүүдэлчдийн амьдрал, уламжлалт орон гэр, дээл хувцас зэргийг олон нийтэд хүргэх, эдүгээ ч гэсэн Монгол түмэн энэхүү заншлаа хадгалан үлдсэн гайхамшигт ард түмэн болох.


Тус үзэсгэлэн 2013 оны 09-р 16- ны өдрийг хүртэл олон нийтэд нээлтэй байх юм байна.

Өнгөрсөн сарын 24-ны өдөр Монгол улсын БСШУЯ-ны сайд Ё.Отгонбаяр Айлчиллаар явж байхдаа тус музейгээр орж, үзэсгэлэнгийн талаар сайшаагаад сэтгэл ханамжтай байгаагаа илэрхийлжээ.


Эцэст нь Би гэдэг хүн тус музейд очиж үзэж байсан. Альберт каны нь 20-р зууны эхэн үеийн Францын язгууртан гаралтай, хөрөнгөтэй нэгэн байжээ. Тиймдээ ч ийнхүү олон судалгааны ангиудыг гадны улс орнууд руу илгээдэг байжээ.
Түүний музейд: тухайн үед "20-р зууны эхэн үе" зураг авч байсан фото апрат, бусад хэрэгслүүд нь үзмэрт нь байдаг юм билээ. Мөн дээрхи зургуудийг боловсруулаад “зохигчийн эрхийг хатуу дурдсан” зарж байсан. Би нэг Эрдэнэ зуу хийдийн өмнө морин дээрээ ташуу сандайлсан нэгэн язгууртан хүний зургыг авч байсан санагдана.
Үнэхээр монголын талаархи сайхан үзэсгэлэн гарч байна. Ойрхон байдаг та бүхнийг хүрэлцэн үзэхийг уриалж байнаааааааааа.

Доорхи PDF танилцуулгаас музейн байрлал, нээх хаах цаг, үнэ, очих нийтийн тээвэр, үзэсгэлнгийн үеэр зохиогдох арга хэмжээ зэрэг илүү дэлгэрэнгүй мэдээллийг авч болно.


Мэдээллийн эх сурвалж: http://albert-kahn.hauts-de-seine.net
http://www.tourisme92.com
фото зураг: facebook - Дэлхийн монголчууд
Дэлгэрэнгүй...